Спыталі ў новага кіраўніка Ленінскага раёна пра поспехі і планы. Што ў нас атрымалася?

У сярэдзіне траўня рэдакцыя Hrodna.life паспрабавала дамовіцца на інтэрв'ю з новым кіраўніком адміністрацыі Ленінскага раёна Гродна Ігарам Бабыром. Спачатку ў прыёмнай паведамілі, што ён не супраць. Але праз тыдзень, пакуль рэдакцыя ўзгадняла дату, ён перадумаў. Тады Hrodna.life адправіў яму афіцыйны запыт. Што з гэтага атрымалася?

Ці маюць рацыю ў адміністрацыі?

Hrodna.life сапраўды не мае рэгістрацыі ў Міністэрстве інфармацыі. Гэта значыць, што мы працуем не як сеткавае выданне (мае рэгістрацыю), а як інтэрнэт-рэсурс (не мае). Згодна з пункам 1.1 арт. 30 Закона аб СМІ, уладальнік інтэрнэт-рэсурсу мае права збіраць, атрымліваць, перадаваць і распаўсюджваць інфармацыю любым спосабам у адпаведнасці з заканадаўствам Рэспублікі Беларусь.

Чаму мы папрасілі аб інтэрв'ю?

Чыноўнікі і сілавікі не раз казалі аб тым, што мы не прадстаўляем у тэкстах бок улады. Мы хочам паказаць, што, наадварот, часта звяртаемся па каментар да прадстаўнікоў улады, але, на жаль, не атрымліваем адказаў.

Пра што мы хацелі спытаць кіраўніка адміністрацыі?

Рэдакцыя Hrodna.life адправіла Ігару Бабыру дзевяць пытанняў. Мы цікавіліся:

• яго першымі дзеяннямі на новай пасадзе,
• праблемамі, якія ён бачыць у раёне,
• зваротамі ад гродзенцаў,
• выкарыстаннем мясцовага рэсурснага патэнцыялу для росту канкурэнтаздольнасці эканомікі,
• новымі высокаэфектыўнымі тэхналогіямі, якія выкарыстоўваюцца арганізацыямі раёна,
• чым Ігар ганарыцца ў сваёй працы.

Чым займаецца цяпер Ігар Бабыр?

Аб прызначэнні Ігара Бабыра на пасаду кіраўніка адміністрацыі Ленінскага раёна Гродна гараджанам стала вядома 30 красавіка. З 5 траўня ён прыступіў да абавязкаў. Папярэдні кіраўнік адміністрацыі Іван Курман стаў кіраўніком справамі Гродзенскага аблвыканкама.

www.youtube.com/watch?v=BS8w0QDANtI

Бабыря вядзе пытанні, згодна з сайтам адміністрацыі:

• рэалізацыі дзяржаўнай кадравай палітыкі;
• кіравання сацыяльна-эканамічным развіццём раёна;
• выканання каштарысу выдаткаў адміністрацыі;
• каардынацыі дзейнасці сілавых структур.

Мяркуючы з інфармацыі ад сакратара, цяпер Ігар Бабыр знаёміцца з раёнам, яго школамі, установамі, арганізацыямі. Напрыклад, ён удзельнічаў у парадзе калясак на Дзень сям'і.

Чытайце таксама: Обещал не увольнять, но «действовал по закону». Чем запомнился бывший гендиректор «Гродно Азот»