Навіны

У Гродзенскай вобласці адмянілі ўсе канцэрты гурта J: Морс. Афіцыйна — праз каранавірус і тэхнічныя праблемы

Гурт J: Морс. Фота з афіцыйнага сайта гурта.

Канцэрты гурта J: Mopc у Гродне, Лідзе і Слоніме, запланаваныя на 7, 8 і 9 траўня, адмененыя. Пра гэта 20 красавіка заявіў лідар гурта Уладзімір Пугач на сваёй старонцы Facebook.

«Кепскімі навінамі зараз нікога не здзівіць. Але важна іх фіксаваць, каб не звыкацца, не зварыцца незаўважна для сабе, як лягушка ў вельмі медленна падаграваемай вадзе.
Усе тры канцэрты ў Гродзенскай вобласці, анансаваныя ў траўні, адменены. Адразу на некалькіх пляцоўках узніклі „тэхнічныя прычыны“ і яшчэ на адной — успышка каранавіруса. Паўсюль прамоўтары — прыватныя кампаніі. Разумеем, што ў іх выбару, хутчэй за ўсё, не было. Дзякуй, што паспрабавалі», — напісаў Пугач.

Чаму адмянілі канцэрты?

Першы канцэрт — у лідскім начным клубе «Маяк» — павінен быў адбыцца 7 траўня. Па якіх прычынах адмянілі выступ і ці паўплывае гэта на іншыя мерапрыемствы, у клубе адказаць не змаглі.

Канцэрт у Слоніме быў запланаваны на 8 траўня. Афіцыйная прычына адмены — каранавірус. «Людзі былі зацікаўлены канцэртам і набывалі білеты», — распавёў Hrodna.life дыстрыб’ютар квіткоў.

У Гродне канцэрт быў запланаваны на 9 траўня ў начным клубе «База». Яго адмянілі па тэхнічных прычынах. Іншыя мерапрыемствы ў клубе, запланаваныя на 2 і 16 траўня, не адмянялі, продаж квіткоў на іх працягваецца. Па пытанні адмены канцэрта адміністратары начнога клуба «База» параілі рэдакцыі Hrodna.life звязацца з арганізатарамі.

Арганізатары тура J: Mopc па Беларусі - агенцтва «4А-Ивент» — з журналістамі размаўляць не захацелі.

З чым можа быць звязана адмена канцэртаў?

Пасля прэзідэнцкіх выбараў 9 жніўня 2020 лідар гурта Уладзімір Пугач неаднаразова выступаў перад жыхарамі «плошчы Перамен» у Мінску, а таксама стаў адным з членаў Каардынацыйнага Савета. У снежні 2020 года яго выклікалі на допыт у СК па справе звязанай з Каардынацыйным Саветам.

Першыя адмены канцэртаў і забароны выступаў беларускіх выканаўцаў па палітычных прычынах распачаліся ў 2004 годзе. За 17 гадоў у так званых «чорных спісах» былі гурты «Ляпис Трубецкой», «N.R.M.», «Neuro Dubel» і іншыя.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025