Навіны

Яшчэ пяць гродзенцаў прызналі палітвязнямі. Хто яны?

7 красавіка праваабаронцы назвалі 15 новых палітвязняў, сярод якіх пяць гродзенцаў. Усе яны асуджаныя за нібыта гвалт над супрацоўнікамі органаў унутраных спраў паводле арт. 364 КК. Чацвёра праходзяць па адной справе, яшчэ аднаго — асудзілі яшчэ ў лістападзе 2020 года.

Гродзенцаў Міхаіла Юдзіна, Міхаіла Яфімовіча, Вадзіма Хіжнякова і жыхара Мастоў Андрэя Севяртоку ў канцы сакавіка асудзілі на пазбаўленне волі ад 2,5 да 5,5 гадоў. Яны праходзілі абвінавачанымі па падзеях каля МЦ «Галактыка» 27 верасня 2020 года.

Больш за ўсіх атрымаў раней судзімы Андрэй Севяртока, якога яшчэ судзілі за ўцёкі з-пад варты. У Юдзіна — двое непаўналетніх дзяцей. Хижнякова і Яфімовіча асудзілі на 2,5 года калоніі за тое, што яны кінулі «невядомы прадмет». Згодна з паказаннямі ў судзе, гэта была бутэлька і стаканчык.

Канстанціна Паляка ў лістападзе 2020 асудзілі на тры гады абмежавання волі з накіраваннем ва ўстанову адкрытага тыпу. Паводле версіі абвінавачвання, 12 жніўня ён пасля затрымання ўцёк з міліцэйскай машыны і нанёс міліцыянту больш за пяць удараў у грудзі і ў іншыя часткі цела. У яго трое малалетніх дзяцей і бацька з інваліднасцю.

— Зараз намячаецца відавочная радыкалізацыя грамадства, і калі б падобнае адбылося да жнівеньскіх падзей, у мяне рука не здрыганулася, ці запытваць для іх пазбаўленне волі. Але мы павінны ўлічваць эмацыйны стан людзей тых жнівеньскіх падзей, — казаў тады галоўны пракурор горада Уладзімір Клішын, які выступаў у судзе дзяржабвінаваўцам.

У Беларусі на 8 красавіка 337 чалавек прызнаныя палітвязнямі. Спіс усіх палітвязняў у Беларусі можна паглядзець на сайце «Вясны».

Праваабаронцы патрабуюць для палітычных зняволеных неадкладнага перагляду прынятых у дачыненні да іх мер і судовых рашэнняў, а таксама вызвалення іх з-пад вартай з ужываннем іншых мер, якія забяспечваюць яўку ў суд.

Чытайце таксама:

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025