Віктар Сазонаў. Фота: "Вясна"
Двух гродзенскіх прадстаўнікоў пазбаўленага рэгістрацыі праваабарончага цэнтру «Вясна» выклікалі ў Следчы камітэт. Яны мяркуюць, што гэта звязана з заведзенай на «Вясну» крымінальная справай.
Праваабаронцу Андрэя Коцю выклікалі ў СК на 10.00 20 сакавіка, Віктара Сазонава — на 12.00. Таксама шукалі Уладзіміра Хільмановіча, расказаў Сазонаў Беларускаму радыё «Рацыя».
— Паколькі мы заўсёды займаліся толькі законнай дзейнасцю, мы будзем настойваць на сваім, на тым, што нашая арганізацыя заўсёды дзейнічала ў межах дзеючага заканадаўства. Нам застаецца толькі абараняцца законнымі метадамі. Якія метады будуць прымяняцца да нас, гэта мы неўзабаве даведаемся, — сказаў Віктар Сазонаў.
Следчы камітэт раследуе справу па арт. 342 КК (арганізацыя і актыўны ўдзел у групавых дзеяннях, якія груба парушаюць грамадскі парадак). На думку органаў следства, ПЦ «Вясна» нібыта ажыццяўляе фінансаванне незаконных масавых мерапрыемстваў. У актывістаў прайшлі вобшукі, іх выклікалі на допыты і бралі пад варту.
Чытайце таксама: У Гродне дадому да журналіста Аляксандра Дзянісава прыйшлі супрацоўнікі міліцыі
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…