Ілюстрацыйнае фота. Фота: Алена Кавальчук
Са жніўня 2020 года толькі на тэрыторыі Ленінскага раёна Гродна прайшло каля 80 несанкцыянаваных масавых мерапрыемстваў, у якіх прынялі ўдзел больш за 28 тысяч грамадзян, паведаміла міліцыя Гродна на афіцыйным партале. Раней ва УУС Гродзенскага аблвыканкама штотыдзень адзначалі, што гродзенцы не падтрымліваюць пратэсты.
Больш за 800 пратаколаў па артыкуле 23.34 КаАП (Парушэнне парадку арганізацыі або правядзення масавых мерапрыемстваў) склалі пасля выбараў, паведамілі ў міліцыі. Людзей дастаўлялі ў РАУС, «каб не дапусціць захопу будынкаў, аўтатранспарту і маёмасці грамадзян». Пасля 9−12 жніўня толькі ў судзе Кастрычніцкага раёна аказалася 200 спраў па арт. 23.34 КаАП. Верагодна, колькі ж было ў судзе Ленінскага раёна.
На прадпрыемстве (якія, у міліцыі не ўдакладнілі - Hrodna.life) таксама зафіксавалі тры факту правядзення забастовак.
— Усюды трэба забяспечыць бяспеку. І мы гэта зрабілі. Звярніце ўвагу: на нашых вуліцах больш няма грамадзян, якія бязмэтна сноўдаюць, на дамах — ні аднаго БЧБ-сцяга… — распавёў начальнік РАУС палкоўнік міліцыі Алег Карпушкін.
Школьнікі калі і траплялі на несанкцыянаваныя акцыі, то хутчэй, па недаглядзе бацькоў, сказалі ў міліцыі. Прафілактычную працу праводзяць з больш чым 120 непаўналетнімі. Яны патрапілі пад назіранне па розных прычынах: ад дробных правін да заняткаў прастытуцыяй.
16-летнего студента оштрафовали за участие в акции протеста и поставили на учет в милиции
Замежнікі, якія жывуць у Гродне, не хадзілі на акцыі, распавялі ў міліцыі. Ім пагражала б дэпартацыя, а яны «цэняць беларускія спакой, чысціню і парадак». Што тычыцца турыстаў, з-за пандэміі і закрытых межаў іх паток рэзка скараціўся.
Схватили, избили, посадили. Танго-диджея из России обвиняли в финансировании протестов в Гродно
Раней судзімым міліцыянты распавядалі, чым можа абярнуцца ўдзел у пратэстах. У выніку сярод затрыманых раней судзімых было няшмат. Выходзілі людзі на вуліцы не каб адстаяць сваё меркаванне, а за бясплатнай выпіўкай і грашыма, якія там раздавалі, лічаць у міліцыі.
Пасля негалоснай забароны на правядзенне свята ў Беларусі, буйныя вечарынкі напярэдадні Дня ўсіх святых амаль…
Былога дырэктара шклозавода "Нёман" і дзяржаўнага функцыянера Ігара Бацяна прыгаварылі да 12 гадоў калоніі па…
Міністэрства аховы здароўя апублікавала расклад працы ўстаноў аховы здароўя ў святочныя дні - доўгія выхадныя…
Роў матораў і клубы дыму ахуталі гістарычны цэнтр Гродна - гэта ў горадзе здымаюць відэаролік…
Сезон экскурсій па вузкакалейцы побач з Гроднам скончыўся з-за надыходу халадоў. Увесну, «як толькі настане…
Каркасы будучых ёлак з'явіліся на вуліцах Урублеўскага і Ліможа ўжо 30 кастрычніка. Запальваюць у Гродне…