Навіны

«Тэхнічна пакуль немагчыма». У ДАІ Гродна нарэшце растлумачылі, што будзе з «лістамі шчасця» за няпройдзены тэхагляд

«Лісты шчасця» за адсутнасць тэхагляду з 1 сакавіка прыходзіць пакуль не будуць, удакладнілі у ДАІ УУС Гродзенскага аблвыканкама. З’яўляецца толькі прававая магчымасць дасылаць штрафы за зафіксаванае камерай парушэнне. Тэхнічна ж гэта ў бліжэйшы час не рэалізуецца, і аператыўнае вырашэнне гэтай задачы Дзяржаўтаінспекцыя не ставіць.

«Адкрываецца толькі прававая магчымасць прыцягнення да адказнасці», — удакладнілі ў ведамстве.

«Аднак, з тэхнічнага пункту гледжання ў бліжэйшай перспектыве гэта немагчыма, больш за тое, на сённяшні дзень Дзяржаўтаінспекцыяй пытанне аператыўнай рэалізацыі такіх магчымасцяў не ставіцца».

З 1 сакавіка пачынае дзейнічаць адказнасць для ўладальнікаў транспартных сродкаў за адсутнасць дазволу на допуск машыны да ўдзелу ў дарожным руху (тэхагляда), зафіксаваную камерамі, якія працуюць у аўтаматычным рэжыме. Такая ж адказнасць прадугледжана за праезд на чырвоны сігнал святлафора і невыкананне шэрагавасці (рух па паласе для грамадскага транспарту). Змены прадугледжаны абноўленым Кодэксам аб адміністрацыйных правапарушэннях.

Раней штрафы прыходзілі толькі за зафіксаваныя такімі камерамі парушэнні хуткасных рэжымаў і правілаў паркоўкі.

Тэхнічная магчымасць наладзіць ужо ўсталяваныя на дарогах камеры на адсочванне аплаты тэхагляду ёсць, сцвярджалі раней у кампаніі, якая займаецца усталяваннем і тэхнічным абслугоўваннем абсталявання для фотафіксацыі. «Любы датчык рэальна наладзіць пад новы функцыянал. Такім чынам, атрымліваючы дадзеныя пра ўсіх транспартных сродках, мы можам звяраць іх з базай УП „Белтэхагляд“. Дакладна так жа ўладальнік рызыкуе атрымаць „ліст шчасця“ за няпройдзены тэхагляд», — цытаваў спецыяліста av.by.

Чэргі на тэхагляд не сканчаюцца

З пачатку года ў «Белтэхаглядзе» адзначалі ажыятаж на праходжанне тэхагляду. «Калі параўноўваць студзень гэтага года і мінулага, то за 10 дзён рост склаў амаль 200 адсоткаў», — прыводзіў прыклад дырэктар УП «Белтэхагляд» Юрый Лянчэўскі. На прадпрыемстве нават дапускалі, што могуць скончыцца бланкі дазволаў на допуск да ўдзелу ў дарожным руху.

Чэргі на праходжанне тэхагляду не сканчаюцца дагэтуль.

З 1 студзеня ў Беларусі скасавалі дзяржпошліну за выдачу дазволу на допуск транспартнага сродку да ўдзелу ў дарожным руху. Цяпер замест яе ўвялі транспартны падатак, выплата якога больш не прывязаная да тэхагляду. Яго будуць выплачваць усе ўласнікі транспартных сродкаў, зарэгістраваных у базе ДАІ МУС. Стаўкі падатку ў параўнанні з дзяржпошлінай знізілі. Сума будзе залежаць ад вагі і фактычнага часу валодання машынай.

Падзяліцца
Меткі: аўтозакон

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025