Карціны "Fredom" і "Набор для лета 2020". Фота: Hrodna.life
На выставе Надзі Букі «Личное дело» 23 лютага знялі шэсць карцін з чырвона-белай афарбоўкай. Дзве карціны былі прысвечаныя пратэстам жніўня 2020 года, а чатыры былі напісаныя на зусім іншыя тэмы.
Выстава «Личное дело» мастачкі з Мінска Надзі Букі адкрылася ў Гродне 12 лютага. На ёй прадстаўлена графіка, жывапіс і кніжная ілюстрацыя мастачкі - 56 карцін і каля 20 ілюстрацый кнігі. Надзя Бука — мастачка, якая выразае карціны з каляровай паперы пры дапамозе звычайных манікюрных нажніц. Такія карціны яна называе аўтарскім словам «буцінанкі».
Аб тым, што карціны знялі, Надзя Бука даведалася з прэсы. Паводле яе слоў, некаторыя з шасці карцін не мелі нічога агульнага з пратэстамі, а былі напісаныя на тэму любові і веры. «Не ведаю, адкуль ногі растуць. Напэўна, вырашылі падстрахавацца», — пракаментавала яна сітуацыю Hrodna.life. Паводле яе слоў, у Kazzarma Mall Надзі паведамілі, што «так трэба было зрабіць», каб засцерагчы яе і даць існаваць выставе.
Надзя турбуецца аб тым, што не ўсе жадаючыя змогуць убачыць паўнавартасную выставу. Мастачка папрасіла вярнуць некаторыя карціны ў выставачную залу. На адсутнасць двух, прысвечаных падзеям жніўня 2020 года, — «Freedom» І «Набор для лета 2020» — яна гатовая пагадзіцца. У Kazzara Mall ёй пакуль не адказалі на просьбу.
У суботу 27 лютага ў 17.00 запланавана сустрэча Надзі з гродзенцамі і экскурсія па выставе. Сустрэча адбудзецца, сказала Надзя Hrodna.life. «Не прыехаць было б несумленна ў адносінах да гледачоў», — лічыць яна. Таксама 27 лютага, а 14.00 запланаваная прэзентацыя кнігі ««Бася и ее волшебный мир» аўтарства мастачкі.
У Kazzara Mall вырашылі не каментаваць сітуацыю Hrodna.life.
Выстава «Личное дело» адкрылася 12 лютага і будзе працаваць па адрасе вул.Шчорса, 11б да 12 сакавіка, кожны дзень з 14:00 да 20:00. Уваход вольны. 27 лютага ў 17: 00 Надзя правядзе open talk для гасцей выставы, дзе больш падрабязна раскажа пра сваю творчасць і жыццё. Прысутнічаць можа любы жадаючы і без запісу.
Читайце таксама: «Каждая картина — это автопортрет». В Гродно впервые открылась выставка «бутинанок»
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…