Навіны

«Гэта не заўсёды холадна і страшна». Выратавальнік з Гродна паказвае ў TikTok вясёлае загартоўванне

Андрэй Аніська тры гады працуе выратавальнікам на вадзе на станцыі «Ласосна». У пачатку лютага 2021 гады ён завёў TikTok. Сваімі відэа ён хоча дарыць людзям усмешкі і паказваць, што загартоўвацца — гэта весела. Рэпарцёр Hrodna.life паглядзеў некалькі ролікаў выратавальніка.

Андрэю 46 гадоў. Ён працуе ў Гродзенскім Таварыстве выратавання на водах. За тры гады выратаваў сем чалавек. Да 2018 года ён працаваў дызайнерам-аддзелачнікаў, але сышоў з будаўніцтва з-за алергіі на пахі.

Для падтрымання фізічнай формы Андрэй займаецца кросфітам і плаваннем, даўно загартоўваецца. Раней гродзенец абліваўся халоднай вадой вясной і восенню, але пасля пачатку працы выратавальнікам стаў практыкаваць гартаванне і зімой. З позняй восені 2020 году Андрэй амаль кожны дзень акунаецца ў снег або ледзяную ваду.

«Праца пастаянна звязана з вадой. Каб арганізм вытрымліваў нагрузку ў любое надвор’е, стаў гартавацца і зімой. Зараз рыбакі на лёд выходзяць, дзеці. Калі хто праваліцца, то прыйдзецца ў ваду ныраць. Я заўсёды гатовы. Лічу, выратавальнік павінен быць выратавальнікам у любое надвор’е», — кажа Андрэй.

У пачатку лютага Андрэй зарэгістраваўся ў Instagram і TikTok. У сацыяльных сетках гродзенец стаў выкладаць відэа, як ён гартуецца.

«Усе я раблю з гумарам. Такім чынам падымаю сабе настрой і людзям. Так бы мовіць, гумар і дабрыня выратуюць свет».

Чытайце таксама: Популярные тиктокеры из Гродно — кто они?

У сацыяльных сетках у Андрэя мала падпісчыкаў (менш за 100), але ён упэўнены, што гэта пытанне часу. За кошт гумарыстычнага кантэнту выратавальнік плануе павялічваць аўдыторыю, а затым пачаць выкладаць і экстрэмальныя відэа.

«Хачу, каб людзі бачылі, што гартавацца лёгка і весела. Гэта не заўсёды холадна і страшна. З кіслай мінай загартоўвацца наогул не варта. Чалавек павінен быць поўны пазітыву і тады ўсё будзе добра».

Падзяліцца

Апошнія запісы

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025

Падключыся або зачыніся: у Гродне патрабуюць выконваць норму, якой няма ў законе

Уладальніцу гродзенскага бара аштрафавалі на 210 рублёў за парушэнне начнога рэжыму працы. Аднак у цэнтры…

22 красавіка 2025

У стогадовым доме на Горкага адкрылі «інстаграмную» кавярню

Новая ўстанова з'явілася ў старажытным доме на Горкага, 47А. Кавярня “Zолото” ужо працуе ў тэставым…

21 красавіка 2025

Прадаецца «Гарадзенская кавярня» на Маркса. Уладальнікі пераязджаюць

Уладальнікі "Гарадзенскай кавярні", якая знаходзіцца на вуліцы Маркса, 5, прадаюць установу і з'язджаюць з Гродна.…

21 красавіка 2025

На гродзенскіх пляжах ўсталююць відэакамеры. Што яшчэ новага рыхтуюць да пляжнага сезону?

Нагодай для гэтага стала абнаўленне гарадскіх пляжаў і неабходнасць абараніць іх ад вандалаў. Зараз на…

18 красавіка 2025