Польска-беларускі праект Shtetlfest плануе экспедыцыю па яўрэйскіх мястэчках Беларусі і Польшчы. Вынікам стане медыя-даведнік і фэст, на якім адродзяць сапраўды местачковы кірмаш. Яшчэ можна далучыцца да каманды і паўдзельнічаць у праекце.
Праект Shtetlfest стартаваў у верасні 2020 года. Ён прысвечаны даследванню і адраджэнню традыцый былых яўрэйскіх мястэчак. У межах праекта стварылі міжнародны турыстычны маршрут, у які ўвайшлі шэсць мястэчак:
Вясной 2021 года па іх выправіцца экспедыцыя. Па яе выніках зробяць медыя-даведнік з сабранымі падчас вандроўкі матэрыяламі. А летам адбудзецца прэзентацыя турыстычнага патэнцыялу адной з лакацый маршрута ў фармаце фэсту. Стваральнікі праекта задумалі рэканструяваць местачковы кірмаш у адной з лакацый маршрута: сапраўдны, з гандлем, музыкай і танцамі.
Яшчэ ў 2018 годзе ўдзельніцы і партнёркі праекта знялі чорна-белы нямы фільм «Чароўныя нажнічкі», заснаваны на яўрэйскіх казках.
Паўдзельнічаць у праекце і далучыцца да экспедыцыі і падрыхтоўкі фэсту можа кожны, хто мае цікавасць да яўрэйскай танцавальна-музычнай традыцыі і гісторыі, хто ўжо распрацоўвае асабісты праект у гэтай сферы або даследуе традыцыйную культуру як аматар ці прафесійна. У працоўную групу патрапяць пяць удзельнікаў з Беларусі і цэсць — з Польшчы.
Да 15 лютага можна запоўніць анкету (для беларусаў), пачытаць аб прапановах каманды і абавязках удзельнікаў. Вынікі будуць абвешчаныя не пазней за 1 сакавіка.
Сачыць за падзеямі праекта можна ў сацсетках:
*Праект падтрыманы Еўразвязам і рэалізуецца ў межах Праграмы Трансгранічнага супрацоўніцтва Польша-Беларусь-Україна 2014−2020 з 1 верасня 2020 года. Партнёры праекта — Цэнтр творчасці дзяцей і моладзі Барысаўскага раёна і польскі Theater Latarnia з Беластока.
Чытайце таксама:
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…