Навіны

Галоўнага энергетыка «Кароны» затрымалі на працы. У яго на кватэры канфіскавалі тэхніку

Юрыя Цуканава затрымалі 8 лютага прама на працы, у гандлёвым цэнтры «Карона». Яго прывезлі дадому для агляду кватэры. У выніку канфіскавалі тэхніку. Прычынай затрымання стаў удзел у несанкцыянаваным мітынгу. На Юрыя склалі пратакол па 23.34 КаАП і адпусцілі. Калі адбудзецца суд, пакуль невядома.

63-гадовы Юрый Цуканаў працуе галоўным энергетыкам у ГЦ «Карона», распавёў яго сын Ігар. Інфармацыя аб затрыманні Цуканава з’явілася ў адным з гродзенскіх Telegram-каналаў у 17.30. Сын Юрыя пацвердзіў інфармацыю Hrodna.life. Паводле яго слоў, вечарам 8 лютага разам з бацькам да іх дадому прыйшлі трое міліцыянтаў. Яны канфіскавалі тэлефоны, ноўтбук, бел-чырвона-белы сцяг і маленькі бел-чырвона-белы сцяжок для аўтамабіля. Пасля гэтага Юрыя павезлі ў РАУС даваць паказанні.

Каля 20.30 Юрый Цуканаў вярнуўся дадому. На яго склалі пратакол па 23.34 КаАП за ўдзел у несанкцыянаваным мерапрыемстве. Калі праходзіла мерапрыемства, ён не ўдакладніў.

«Мяне затрымалі за ўдзел у незаконных акцыях паводле арт. 23.34 КаАП. Правялі затрыманне на працоўным месцы і потым з ператрусам (імаверна, маецца на ўвазе агляд. Ператрус праходзіць у рамках крымінальнай справы — Hrodna.life) прыехалі на кватэру. Тут канфіскавалі ўсю апаратуру: ноўтбук, планшэт, усе тэлефоны. Знайшлі сцяг, які быў у мяне ў пакоі», — распавёў Юрый Hrodna.life.

Цяпер Юрый Цуканаў чакае суда. Яго праінфармавалі, што выклічуць на пасяджэнне званком, а канфіскаваную тэхніку вернуць пасля праверкі.

Падзяліцца

Апошнія запісы

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025