Новости

Золатавалютныя рэзервы Беларусі за год скараціліся на 20%. Прычынай назвалі не пандэмію

Міжнародныя рэзервовыя актывы Рэспублікі Беларусь на 1 студзеня 2021 года, паводле папярэдніх дадзеных, склалі $ 7 468,5 млн (у эквіваленце). Згодна з Асноўнымі напрамкамі грашова-крэдытнай палітыкі на 2020 год аб’ём міжнародных рэзервовых актываў на 1 студзеня 2021 года павінен быў скласці не менш як $ 7,3 млрд, паведамляе прэс-служба Нацбанка.

За снежань золатавалютныя рэзервы выраслі на $ 92,1 млн. (на 1,2%) пасля зніжэння ў лістападзе на $ 109,2 млн. (на 1,5%).

У цэлым па выніках 2020 года міжнародныя рэзервовыя актывы скараціліся на $ 1,9 млрд. (на 20,5%).

Зніжэнне ўзроўню золатавалютных рэзерваў у 2020 годзе ў асноўным звязана з планавым пагашэннем знешніх і ўнутраных абавязацельстваў у замежнай валюце на суму каля $ 3, 9 млрд, у тым ліку ў снежні - $ 227 млн, удакладняе Нацбанк. Таксама падзенне тлумачаць продажам Нацыянальным банкам замежнай валюты на таргах Беларускай валютна-фондавай біржы.

Падтрыманню ўзроўню золатавалютных рэзерваў у мінулым годзе спрыялі паступленне ад размяшчэння Міністэрствам фінансаў на знешнім і ўнутраным рынках аблігацый у замежнай валюце, знешнія дзяржаўныя пазыкі і іншыя паступленні замежнай валюты ў бюджэт, а таксама рост кошту манетарнага золата.

У адпаведнасці з Асноўнымі напрамкамі грашова-крэдытнай палітыкі на 2021 год аб’ём міжнародных рэзервовых актываў на 1 студзеня 2022 года з улікам пагашэння ўнутраных і знешніх абавязацельстваў у валюце павінен скласці не менш як $ 6,0 млрд.

Чытайце таксама: Адключэнні інтэрнэту пасля выбараў абышліся беларусам у $ 336,4 млн

Падзяліцца
Меткі: грошы

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025