Новости

У рэдакцыю Hrodna.life прыйшлі з МНС і УУС, але нібы не ведалі, куды прыйшлі

18 снежня ў рэдакцыю Hrodna.life прыйшоў інспектар МНС з пазапланавым маніторынгам. З ім былі два супрацоўнікі міліцыі і чалавек у цывільным. Апошні аказаўся супрацоўнікам аддзела ідэалогіі.

Перад пачаткам размовы інспектар па пажарнай бяспецы Руслан Стасюк прызнаўся, што не ведае, у якую арганізацыю яны прыйшлі. «Гэта не праверка, а пазапланавы маніторынг», — удакладніў ён.

Супрацоўнік МНС быў ветлівы. Пытанні былі да камплектнасці вогнетушыцеля і падлучанага падаўжальніка. Інспектар параіў не выкарыстоўваць электрапрыборы, старэйшых за 10 гадоў, выключаць з разеткі на ноч кавамашыну, папрасіў праверыць пашпарт халадзільніка і нагадаў аб тэрмінах праходжання інструктажу па пажарнай бяспецы для супрацоўнікаў. Па выніках маніторынгу паабяцалі скласці рэкамендацыі.

Адзін з супрацоўнікаў міліцыі, калі заўважыў, што тое, што адбываецца, здымаюць на відэа, папярэдзіў, што за абразлівыя каментары ў інтэрнэце ён будзе падаваць на рэдакцыю ў суд.

Невядомы ў цывільным аказаўся супрацоўнікам ідэалогіі выканкама. Нейкі час ён стаяў моўчкі, потым выйшаў. Адзін з міліцыянтаў, Міхаіл Паўлоўскі, ужо шукаў сцягу ў рэдакцыі Hrodna.life у верасні і, верагодна, сведчыў супраць айцішніка Уладзіміра Родчанкі, які 12 жніўня стаяў на плошчы з плакатам параненай напярэдадні пяцігадовай дзяўчынкі. Другі міліцыянт, Андрэй Гаўрылюк, таксама праходзіў сведкам па справе Родчанкі і журналістаў «Б****т». Таксама ён складаў пратакол аб адміністрацыйным правапарушэнні на журналістку Hrodna.life 11 кастрычніка.

Правяраючыя прыйшлі ў рэдакцыю пасля комплекснай праверкі крамы патрыятычных сувеніраў «Адметнасць», якая знаходзіцца ў суседнім памяшканні.

Чытайце таксама:«Мы шокированы». Гродненский этномагазин «Цудоўня» лишают помещения

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025