17 снежня ў судзе Кастрычніцкага раёна Гродна прайшоў перагляд справы Яна Романа ад 11 жніўня. У жніўні яго асудзілі па арт. 23.34 і 23.4 КоАП на штраф у 15 базавых велічынь, а ў снежні — апраўдалі. Пра гэта журналіст паведаміў у Facebook.
Яна Романа апраўдала суддзя Алена Тоўсцік-Самойла.
Яна Романа затрымалі 10 жніўня каля будынка Кастрычніцкага РАУС Гродна. Журналіст прыйшоў даведацца пра калегу, якога затрымалі днём раней. Каля РАУС у той момант было 100−150 чалавек. А 17:30 да РАУС прыехаў АМАП і ўсіх разагнаў. Яна затрымалі, пры гэтым ударылі ў твар і выбілі зубы. Романа затрымалі 10 жніўня, а 17:30 і пратрымалі ў РАУС да 12:00 11 жніўня. Яму далі штраф 15 базавых велічыняў (382 рублі).
Ян Роман працуе на беларускае і Польскае тэлебачанне. Робіць перадачы пра гісторыю і культуру.
