Навіны

Мінфін: з 1 студзеня дарожны падатак збіраюцца адвязаць ад тэхагляду. Для фізічных асоб ён будзе на 25% менш

У Беларусі з 1 студзеня прапануюць адмяніць дзяржпошліну за выдачу дазволу на допуск транспартнага сродку да ўдзелу ў дарожным руху і замяніць яе транспартным падаткам. Яго памер будзе ніжэй за дзяржпошліну.

Гэта прадугледжана праектам змяненняў у Падатковы кодэкс на 2021 год, паведаміў 17 снежня першы намеснік міністра фінансаў Дзмітрый Кійко на пашыраным пасяджэнні Пастаяннай камісіі Палаты прадстаўнікоў па бюджэце і фінансах, піша БелТА.

Стаўкі падатку ў параўнанні з цяперашнімі стаўкамі дзяржпошліны могуць знізіцца ў сярэднім на 25% для фізічных асоб і 15% - для арганізацый. Выплата транспартнага падатку будзе не прывязаная да тэхагляду. Падатак будзе спаганяцца за год зыходзячы з масы аўтамабіля і фактычнага часу валодання машынай. За аўто масай 1−1,5 тоны прыйдзецца плаціць у сярэднім каля Br60−80 у год.

Для больш глыбокай дыферэнцыяцыі ставак для фізічных асоб у дачыненні да легкавых аўтамабіляў з масай ад 1,5 да 2,5 т будзе прымяняцца крок 250 кг замест 500 кг.

Тыя, хто ў 2020 годзе ўжо паспелі заплаціць дзяржпошліну, не будуць плаціць транспартны падатак да заканчэння тэрміну яе дзеяння.

Стаўкі падатку для пенсіянераў прапануецца знізіць на 50%, для інвалідаў III групы — на 25%. Машыны, зарэгістраваныя да 1 студзеня 1992 года, або ў дачыненні да якіх дата рэгістрацыі не можа быць выяўленая, не будуць прызнавацца аб’ектам падаткаабкладання. Таксама падатак не будзе збірацца з транспартных сродкаў, знятых з уліку з 1 студзеня да 1 ліпеня 2021 года.

Падатак у 2021 годзе трэба будзе заплаціць не пазней за 15 снежня.

Падзяліцца
Меткі: аўтогрошы

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025