Міністэрства замежных спраў Літвы прапануе грамадзянам Беларусі, якія пераследуецца рэжымам, выдаваць літоўскія нацыянальныя візы бясплатна, паведамляе ru.delfi.lt. З 1 снежня беларусы, якія заехалі ў Польшчу па гуманітарных візах, змогуць працаваць без атрымання дазволу. Гаворка ідзе пра лекараў, медсясцёр, а таксама IT-спецыялістаў, якія ўязджаюць у краіну ў рамках праграмы Poland Business Harbour.
Бясплатна нацыянальныя візы будуць выдавацца грамадзянам Беларусі ў выпадку прадастаўлення матываваных заяў аб не спагнанні падатковага консульскага збору літоўскіх дзяржаўных органаў або зарэгістраваных у Літве няўрадавых арганізацый, якія дзейнічаюць у сферы абароны правоў чалавека і дэмакратыі. Такі праект пастановы павінен быць разгледжаны на гэтым тыдні на пасяджэнні ўрада.
«Па прычыне гвалту, які ўжываецца ўладамі, і ўчыненых парушэнняў правоў чалавека ў Літву прыбываюць усё больш грамадзян Беларусі», — гаворыцца ў звароце МЗС да ўраду.
Многія з іх у гэты момант прыбываюць у Літву, атрымаўшы асаблівы дазвол кіраўніка МУС Літвы ў сувязі з гуманітарнымі прычынамі і валодаючы шэнгенскай візай, але, жадаючы законна даўжэй заставацца ў Літве, яны павінны атрымаць доўгатэрміновыя нацыянальныя візы.
МЗС сцвярджае, што да 1 снежня пацярпелыя ад беларускага рэжыму грамадзяне гэтай краіны могуць атрымаць бясплатныя нацыянальныя візы ў консульскіх і дыпламатычных прадстаўніцтвах Літвы паводле Пастановы кіраўніка гэтага прадстаўніцтва, паведамляе ru.delfi.lt.
Беларусы, якія заехалі ў Польшчу па гуманітарных візах, змогуць працаваць без атрымання дазволу. Паводле слоў намесніка міністра развіцця, працы і тэхналогій Польшчы Івоны Міхалек, беларускія работнікі асабліва запатрабаваныя ў сферы аховы здароўя, паколькі ў рэгіёнах Польшчы не хапае ўрачоў, медсясцёр, медыцынскіх ратавальнікаў.
Раней Польшча заяўляла, што плануе прыцягваць замежных лекараў, у тым ліку з Беларусі, для барацьбы з каранавірусам.
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…