Затрыманы электраманцёр з Ліды, які стварыў у Telegram канал- «Дошку ганьбы». Там ён размяшчаў інфармацыю аб сілавіках, піша прэс-служба МУС. Апублікавана відэа з прызнаннем затрыманага, дзе тэкст паведамлення прэс-службы начытвае нехта са схаваным тварам і змененым голасам.
На 42-гадовага мужчыну выйшлі аператыўнікі гродзенскага ўпраўлення ГУБАЗіК МУС.
На сваім канале затрыманы публікаваў анкеты міліцыянтаў з іх фотаздымкамі, хатнімі адрасамі і тэлефонамі. Таксама ў паблік траплялі падобныя звесткі пра сябраў іх сем’яў.
«Акрамя „Дошкі ганьбы“ лідчанін кіраваў каналам „Аб'яднаны саюз рэвалюцыі“ і чатам „Ліда краіна для жыцця“, дзе ўдзельнікаў заклікалі да гвалту над сілавікамі і іх дзецьмі, а таксама да правядзення дыверсій на чыгуначным транспарце. За гэтыя дзеянні выканаўцам прапаноўвалі грошы», — сказана ў паведамленні прэс-службы МУС.
У кватэры лідчаніна знайшлі «пратэстную атрыбутыку, нож, пнеўматычны пісталет», якія канфіскавалі разам з тэхнікай, — паведамляе прэс-служба.
На сваім канале я публікаваў неправераную інфармацыю ад іншых удзельнікаў телеграм-канала пра суддзяў, работнікаў МУС, сяброў выбарчых камісій, — кажа мужчына ў відэа-прызнанні. — На гэтай «дошцы» друкавалася інфармацыя: прозвішча, імя, імя па бацьку, пасада, на чым ездзіць, адрас, мабільны тэлефон, — паведамляе затрыманы.
Ужо на іншым фоне мужчына кажа, што пераследаваў мэты, каб супрацоўнікі МУС, якіх яшчэ няма [там], убачыўшы іншых, пераходзілі на бок пратэстоўцаў.
У прызнанні мужчына папрасіў прабачэння перад тымі, інфармацыю пра каго ён размясціў у сваім канале, удакладніўшы яшчэ раз, што яна была неправеранай. Таксама ён сказаў, што перасылаў некаторых са сваёй «дошкі ганьбы» ў канал «Карнікі Беларусі».
«Хачу звярнуўся да тых, хто займаецца аналагічнай дзейнасцю: хлопцы, телеграм-канал не ананімны, уся інфармацыя ў МУС ёсць, і рана ці позна яны могуць дабрацца і да вас», — папярэдзіў ён напрыканцы.
У дачыненні да затрыманага ўзбуджаная крымінальная справа за абразу прадстаўніка ўлады. ГУБАЗіК высвятляе іншыя эпізоды дзейнасці фігуранта, і яго саўдзельнікаў.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…