Акцыя пратэсту ў Гродне 20 верасня. Фота: Алена Кавальчук
26 жніўня пад эгідай Генеральнай пракуратуры Беларусі была створана міжведамасная камісія па кантролі праверкі заяў аб прымяненні фізічнага гвалту і спецыяльных сродкаў з боку сілавікоў. У яе ўвайшлі не толькі прадстаўнікі Генеральнай пракуратуры, але таксама супрацоўнікі СК, МУС, Дзяржкамітэта судовых экспертыз і нават адзін дэпутат. Якія вынікі працы камісіі? Ужо колькі заяў пададзена і ёсць крымінальныя справы? Onliner.by адправіў запыты з нагоды праверак у сілавыя ведамствы.
«Ваш запыт у Міністэрстве ўнутраных спраў разгледжаны. Па сутнасці паведамляю наступнае. У адпаведнасці з абзацам шостым часткі 2 артыкула 174 Крымінальна-працэсуальнага кодэкса Рэспублікі Беларусь прыняцце рашэння па заявах або паведамленнях аб злачынствах, учыненых службовымі асобамі органаў унутраных спраў у сувязі з іх службовай ці прафесійнай дзейнасцю, адносіцца да выключнай кампетэнцыі органаў папярэдняга следства.
Гэта значыць, пытанні, выкладзеныя ў звароце, адносяцца да кампетэнцыі Следчага камітэта, а таксама Генеральнай пракуратуры, якая ажыццяўляе нагляд за выкананнем законнасці пры вытворчасці папярэдняга следства і дазнання. Акрамя таго, МУС не ўпаўнаважана каментаваць вынікі дзейнасці Міжведамаснай камісіі", — паведамляецца ў адказе за подпісам начальніка ўпраўлення Вольгі Чамаданавай.
«У межах кампетэнцыі паведамляем, што цэнтральным апаратам Следчага камітэта і яго рэгіянальнымі і тэрытарыяльнымі падраздзяленнямі праводзяцца праверкі па кожным паведамленні і заяве грамадзяніна аб прымяненні супрацоўнікамі праваахоўных органаў і вайскоўцамі фізічнай сілы і спецыяльных сродкаў, падчас якіх даследуюцца довады заяўнікаў і іншыя дадзеныя. Звесткі аб выніках праверак прадастаўляюцца і будуць паведамленыя ўдзельнікам крымінальнага працэсу ў парадку і межах, прадугледжаных Крымінальна-працэсуальным законам.
Згаданая ў Вашым лісце міжведамасная камісія створана пад эгідай Генеральнай пракуратуры, пытанні арганізацыі яе працы не ўваходзяць у кампетэнцыю Следчага камітэта", — адзначаецца ў лісце за подпісам начальніка Галоўнага ўпраўлення працэсуальнага кантролю Цэнтральнага апарата Следчага камітэта Рэспублікі Беларусь Сяргея Цішука.
«У аддзеле інфармацыі Генеральнай пракуратуры вывучаны Ваш зварот з просьбай паведаміць аб выніках і парадку дзейнасці Міжведамаснай камісіі (далей — камісія), працы па вядзенні даследчых праверак. Як раней афіцыйна паведамлялася, усе звароты па фактах прымянення фізічнай сілы і спецыяльных сродкаў зарэгістраваныя. Органы папярэдняга следства праводзяць па іх праверкі, прымаюць працэсуальныя рашэнні, пра што паведамляюць адпаведным удзельнікам крымінальнага працэсу.
Запытаная Вамі іншая інфармацыя з’яўляецца ўнутранай перапіскай, змяшчаецца ў лакальных актах ведамства і непасрэдна не звязаная з абаронай Вашых правоў і законных інтарэсаў, што згодна з арт.21 Закона Рэспублікі Беларусь ад 10 лістапада 2008 года № 455-З «Аб інфармацыі, інфарматызацыі і абароне інфармацыі» выключае магчымасць яе прадстаўлення", — гаворыцца ў адказе за подпісам начальніка аддзела інфармацыі Анжалікі Курчак.
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…
Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…