Навіны

Сям’я, якая рыхтавалася да апакаліпсісу, ратавалася ад чыпіравання ў ваеннай палатцы

6 верасня ў вёсцы Задвор’е Стаўбцоўскага раёна знікла сям’я: 36-гадовыя бацькі Павел Мішук і Святлана Шуцько і іх сыны — 17-гадовы Руслан Шуцько і 12-гадовы Яраслаў Мішук. Дома яны пакінулі запіску: «Паехалі падарожнічаць па вялікай краіне». Але з’ехалі не далёка, піша Onliner.by.

У паведамленні аб вышуку людзей міліцыя ўдакладняла, што на працягу некалькіх гадоў сям’я знаходзілася ў супольнасці рэлігійнай скіраванасці: «У апошні час навакольным казалі „аб надыходзячым апакаліпсісе і неабходнасці сыходу ў прытулак“. Актыўна і ў вялікай колькасці куплялі кансерваваныя прадукты, крупы, бытавую хімію, якія падчас агляду іх дома не выяўленыя».

Учора высветлілася, што ўвесь гэты час сям’я правяла ў зямлянцы ў Навагрудскім раёне.

 — Яны ў лясным масіве каля адной з вёсак паставілі палатку, дзе і вялі лад жыцця пустэльнікаў. Таму іх ніхто не бачыў. Але ўчора яны выйшлі ў сельскую краму вёскі Бор Навагрудскага раёна — іх заўважылі і перадалі інфармацыю ў міліцыю. Сям’я ў парадку, адчуваюць сябе нармальна, — удакладніў Onliner афіцыйны прадстаўнік УУС Гродзенскага аблвыканкама Яўген Дудко.

У ходзе адпрацоўкі бліжэйшых хутароў, вадаёмаў, лясных будынкаў, сцежак і пад’язных шляхоў супрацоўнікі крымінальнага вышуку разам з двума валанцёрамі па лясной сцежцы выйшлі да Шубіна-Нёманскага канала. На лясной паляне супрацьлеглага берага пошукавая група заўважыла купал ваеннай палаткі. Перабраўшыся на супрацьлеглы бераг уброд і агледзеўшы палатку, пошукавая група прыйшла да высновы, што яна з’яўляецца верагодным месцам пражывання, якія адшукваюцца. З надыходам цемры пустэльнікі вярнуліся ў сваё часовае жыллё.

Пасля агляду лекарамі сямейнікі вярнуліся дадому. Як растлумачылі дарослыя, адправіцца ў лес іх вымусіў каранавірус. Дакладней, убачаны на адным з псеўданавуковых тэлеканалаў сюжэт пра тое, што разам з вакцынай ад віруса «людзям будуць уводзіцца нейкія чыпы». Каб пазбегнуць заражэння і, такім чынам, вакцынацыі, сям’я і вырашыла перачакаць пагрозу ў лесе.

Фота: mvd.gov.by
Фота: mvd.gov.by
Фота: mvd.gov.by
Падзяліцца

Апошнія запісы

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025