Улады аб закрыцці спецсада ў Гродне: «Без уліку меркавання бацькоў рашэнне прымацца не будзе»

Пытанне аб магчымым пераводзе дзяцей у іншыя дзіцячыя сады абмяркоўвалася, распавялі ў аддзеле адукацыі Гарадзенскага гарвыканкама. Бацькам прапаноўвалі вызначыць дзяцей ва ўстановы дашкольнай адукацыі па месцы жыхарства, дзе былі б створаны спецыяльныя групы. Зараз сем'і выхаванцаў дзіцячага садка № 7 жывуць у розных канцах горада.

Пры пераводзе ў іншыя дзіцячыя сады ў дзяцей з’явілася б магчымасць для рэабілітацыі, спартыўная і актавая залы, басейн. Галоўны аргумент, які прыводзяць у аддзеле адукацыі, — сацыялізацыя дзяцей, іх падрыхтоўка да зносін з звычайнымі хлопцамі.

— Зыходзячы з сусветнага вопыту, развіццё сістэмы спецыяльнай адукацыі прадугледжвае актыўнае ўключэнне ў інклюзіўны працэс, калі дзеці з асаблівасцямі псіхафізічнага развіцця растуць і навучаюцца побач са звычайнымі хлопцамі, вучацца з імі сябраваць, мець зносіны, — растлумачыў начальнік аддзела адукацыі Гродзенскага гарвыканкама Андрэй Семанчык. — <…>Таму мы ідзем па шляху, калі спецыяльных устаноў становіцца менш, а груп інтэграванага навучання і выхавання ў звычайных агульнаадукацыйных установах — больш. <…>

Зараз у дзіцячым садку № 7 выхоўваюцца 42 дзіцяці з парушэннямі псіхічнага развіцця і цяжкасцямі ў навучанні. «З многімі бацькамі мы ўжо гутарылі: без уліку іх меркавання рашэнне прымацца не будзе. Сваю пазіцыю мы таксама аргументуем, і не выключана, што нашы довады здадуцца большасці пераканаўчымі», — сказаў Андрэй Семанчык.

«Наши дети будут как изгои». В Гродно хотят закрыть детский сад для детей с особенностями развития