20 лістапада каля 01:30 гадзін у міліцыю паступіла паведамленне аб гучным воплеску ў адным з двароў Гродна — меркавана выбуху. Аказалася, невядомыя пашкодзілі аўтамабіль Skoda, які належыць 41-гадоваму супрацоўніку міліцыі, паведамляе Следчы камітэт.

Каля аўтамабіля прысутнічалі сляды гарэння. Пашкоджана пярэдняя частка машыны. Таксама пашкоджаныя тры аўтамабіля, якія стаялі побач. Мужчына растлумачыў, што ён дзейны супрацоўнік міліцыі і раней падрабязныя дадзеныя аб ім размясцілі ў адным з Telegram-каналаў.

Распачатая крымінальная справа па ч. 2 арт. 218 КК (наўмыснае пашкоджанне маёмасці, здзейсненае агульнанебяспечным спосабам). Выяўляюць асоб, якія маюць дачыненне да злачынства.