Украшения к Новому году
На плошчы Леніна ўсталююць новыя канструкцыі «Аркада», «Свечка», «Бык», у парку Жылібера павялічаць святочную зону да пешаходнага моста на вул. Леніна, на Савецкай плошчы адкрыюць кірмаш на ўсе святы, паведаміў grodnonews.by дырэктар прадпрыемства «Гарсвятло» Алег Дабравольскі.
800 елак плануюць закупіць у лясгасах.
300 елак будзе налічваць галоўная ёлка на плошчы Леніна, упрыгожаная амаль 200 цацкамі і святлодынамічнымі гірляндамі. 120 навагодніх елак ўвойдзе ў малыя канструкцыі.
9 навагодніх елак з гірляндамі плануе ўсталяваць «Гарсвятло» на плошчах Леніна і Савецкай, вуліцах Дзяржынскага, Ліможа, Кабяка, Урублеўскага, на праспекце Касманаўтаў у раёне аўтавакзала, у мікрараёнах Альшанка і Пагараны-Кашэўнікі. У Альшанцы сваю ёлку паставіць гандлёвая кампанія «Санта», на вуліцы Гарнавых — абласная філармонія. Гандлёвы цэнтр «Карона» на праспекце Касманаўтаў таксама плануе ўсталяваць ёлку на паркоўцы аўтамабіляў. Навагодняя ёлка ў новым мікрараёне Грандзічы-2 на цяперашні Новы год не запланавана, паколькі не сфарміраваны яго цэнтр, затое ў наступным годзе, па словах Алега Дабравольскага, навагодняя ёлка там будзе.
86 000 лямпачак плануецца запаліць на свяце. Для ўпрыгожвання горада выкарыстоўваюць 88 святладыёдных і святладынамічных канструкцый. Працягласць упрыгожванняў ў выглядзе гірлянд, святлодыедных расцяжак, улічваючы навагоднія ёлкі і святлодынамічныя канструкцыі, складзе 14 860 пагонных метраў.
Да 7 снежня Гродна будзе цалкам упрыгожаны да святаў, паведамляе «Гродна Плюс». У апошнія дні лістапада пачнецца ўстаноўка елак. Цяпер работнікі «Гарсвятло» развозяць канструкцыі да месцаў ўстаноўкі.
Канструкцыі «Пірамід» з’явяцца на кальцавых развязках горада ў раёне праспекта Касманаўтаў, вуліц Славінскага, Таўлая і на Фортах, «Фігуры анёлаў» — на вуліцах Суворава і Дзяржынскага. Кальцавая развязка на вуліцы Гарнавых будзе падсветленая святлодыёднымі гірляндамі, размешчанымі на апорах вонкавага асвятлення. А ратонда на вуліцы Дарвіна ўпрыгожыцца святладыёдным дюралайтом і гірляндамі стрынг-лайт. Уезд у горад з боку М6 таксама ўпрыгожаць святладыёднымі канструкцыямі.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…