Па стане на 13 лістапада каранавірусам заразіліся 111 622 беларусаў, ачунялі і выпісаны 93 570 пацыентаў, паведаміла Міністэрства аховы здароўя. Толькі па афіцыйных дадзеных 1033 чалавекі з пацверджаным COVID-19 памерлі.
Прырост хворых за суткі ў Беларусі склаў 1167 чалавек. Напярэдадні быў - 1098. За апошнія суткі выпісалі 727 чалавек. Паводле афіцыйных звестак, за суткі памерлі 6 чалавек.
Усяго за перыяд распаўсюджвання каранавіруса ў Беларусі правялі 2 814 373 тэсту (33 821 тэст за апошнія суткі).
Нагадаем, што з 14 лістапада ў Гродне ўводзяць масачны рэжым. Абавязковым стане выкарыстанне сродкаў індывідуальнай абароны органаў дыхання ў аб’ектах сацыяльнай інфраструктуры, бытавога абслугоўвання, рознічнага гандлю, у пасажырскім транспарце і іншых месцах з масавай колькасцю людзей, у грамадскіх месцах.
Медыкі фіксуют, што пнеўманіі падчас гэтай хвалі COVID-19 сталі больш складанымі, павялічылася колькасць кіслародозалежных пнеўманій.
Ужо ўсе гродзенскія бальніцы у той ці іншай ступені задзейнічаны ў лячэнні небяспечнай інфекцыі, у тым ліку і 4-я бальніца, якую першапачаткова планавалі пакінуць «чыстай», піша s13.ru.
Гродзенскі абласны клінічны кардыялагічны цэнтр каля двух тыдняў таму таксама перапрафіляваўся пад лячэнне хворых з каранавірусам. Медыкі цэнтра працуюць з імі акрамя асноўнага профілю, расказалі на СТБ. Ужо ў першую ноч сюды прывезлі па хуткай 30 чалавек.
12 рэанімацыйных ложкаў, на кожны — свой апарат штучнай вентыляцыі лёгкіх. У аддзяленнях свабодных месцаў няма, бо ў кардыяцэнтр прывозяць толькі цяжкіх хворых. Як толькі ім становіцца лягчэй — пераводзяць у іншыя стацыянары, а на іх месца бяруць новых. Усе ложкі кардыяцэнтра забяспечаны кропкамі падлучэння кіслароду.
Кансультуе персанал прафесарска-выкладчыцкі склад Гродзенскага медыцынскага ўніверсітэта.
Цяпер у кожным аддзяленні ўстаноўлена каля пяці рэцыркулятараў для абеззаражання паветра і да 25 бактэрыцыдных выпраменьвальнікаў. Перад кожнымі дзвярыма — кілімкі для абеззаражвання.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…