Навіны

Уладзімір Каранік ў гродзенскім медуніверсітэце: акцыі у пазавучэбны час — гэта парушэнне

9 лістапада старшыня абласнога выканаўчага камітэта Уладзімір Каранік правёў сустрэчу ў Гродзенскім дзяржаўным медыцынскім універсітэце. Студэнты задалі пытанні аб грамадска-палітычнай абстаноўцы ў краіне, аб каранавіруснай інфекцыі, пра вучобу і працу студэнтаў-медыкаў, паведамляе сайт універсітэта.

Аб адлічэнні студэнтаў

Уладзімір Каранік падкрэсліў, што студэнтаў адлічваюць не за наяўнасць палітычных поглядаў, а за дзеянні, якія супярэчаць заканадаўству альбо ўнутранаму распарадку ўніверсітэта. У прыватнасці, парушэннем палічылі правядзенне акцый нават у пазавучэбны час, які парушае Закон Аб масавых мерапрыемствах альбо правілы ўнутранага распарадку ВНУ.

Пра сітуацыю ў краіне, мітынгі і дыялог

Уладзімір Каранік нагадаў студэнтам пра дыялог і данясенне альтэрнатыўных меркаванняў мірным і законным шляхам: падача заяўкі на правядзенне мерапрыемства, удзел у дыялогавых пляцоўках, асвятленне пазіцыі ў рамках зарэгістраванай палітычнай партыі альбо грамадскага аб’яднання. Калі гродзенцы ў верасні і кастрычніку спрабавалі атрымаць дазвол на мітынг, ім адмовілі ў сувязі з эпідэміялагічнай сітуацыяй.

— Трэба думаць аб тым, што будзе далей, прагназаваць кожны момант. Прыйшоў час вывераных выразных крокаў. Свет стаў больш дынамічным, цяпер трэба вырашаць пытанні хутчэй, але пры гэтым не ламаць бяздумна тое, што ўжо было створана, — сказаў Каранік.

Аб каранавірусе

Рэктар ГрДМУ і старшыня аблвыканкама адзначылі, што студэнты, якія працавалі ў пандэмію, будуць адзначаны, калі ўзнікне пытанне па сярэдняму балу пры размеркаванні.

Акрамя працуючых у паліклініках ёсць рэзерв у 100 чалавек, які будзе задзейнічаны пры неабходнасці для дапамогі медыкам пры працы з пацыентамі з каранавіруснай інфекцыяй.

Аб развіцці Гродзенскай вобласці

Уладзімір Каранік распавёў студэнтам аб прыярытэтных накірунках развіцця Гродзенскай вобласці:

  • мадэрнізацыя існуючых вытворчасцяў,
  • запуск новых,
  • рашэнне пытання аб узмацненні перапрацоўчай вытворчасці,
  • выманне карысных рэсурсаў, якія прыносяць прыбытак, з сельскагаспадарчай дзейнасці,
  • стварэнне новых лагістычных маршрутаў у рэгіёне,
  • развіццё ўнутранага і знешняга турызму,
  • развіццё веларуху ў Гродна і забеспячэнне бяспекі для аматараў велапрагулак і пешаходаў.

Па выніках сустрэчы на базе ГрГМУ створаць тэматычныя дыялогавыя пляцоўкі, дзе кожная сустрэча будзе накіравана на абмеркаванне і вырашэнне актуальных і праблемных для будучых медыкаў пытанняў.

Падзяліцца

Апошнія запісы

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025