Навіны

Была часткай грандыёзнага праекта позняга СССР. У Смаргоні за 27 рублёў прадаецца сяміпавярховая гасцініца

На лістападаўскім аўкцыёне камітэт «Гроднааблмаёмасць» паспрабуе знайсці новых уласнікаў для цэлага шэрагу аб’ектаў, якія не выкарыстоўваюцца. Сярод лотаў - сяміпавярховая недабудаваная гасцініца ў Смаргоні, дом культуры, школа, дзіцячы сад і іншыя пабудовы. Пачатковы кошт усіх пералічаных будынкаў - усяго 27 рублёў, піша realt.by.

Найбольш цікавым лотам на таргах з’яўляецца незавершаны і не закансерваваны сяміпавярховы адміністрацыйны будынак у Смаргоні. Калісьці тут, на паўночна-заходняй ускраіне горада, побач з вёскай Карані, збіраліся ўзвесці філіял Мінскага трактарнага завода. Меркавалася, што на заводзе будуць працаваць больш за 7000 чалавек, а да 2000 году насельніцтва Смаргоні вырасце да 100 тысяч чалавек (цяпер у Смаргоні жыве каля 37 тысяч чалавек).

Аднак у поўным аб’ёме амбіцыйны праект увасобіць не ўдалося. Будаўнікі паспелі ўзвесці ў чыстым полі траціну ад запланаваных цэхаў, а таксама некалькі панэльных дзевяціпавярховых дамоў, школу, універсам і дзіцячы сад. А вось сяміпавярховую гасцініцу на індустрыяльным праспекце — шырокай магістралі, якая звязвае Смаргонь з прамзонай — дабудаваць не паспелі. На памяць аб нязбытных надзеях эпохі 80-х гораду засталася бетонная скрынка, якая стала зонай адпачынку для мясцовых падлеткаў і экстрэмалаў.

Плошча незавершанага будынка ў Смаргоні складае каля 8 тысяч «квадратаў». Тэрмін арэнды зямельнага ўчастка (1,2 га) — 50 гадоў. Новы ўласнік можа выкарыстоўваць зямельны ўчастак для будаўніцтва і абслугоўвання вытворчага або адміністрацыйна-дзелавога будынка. Ён зможа рэканструяваць недабудаваны аб’ект альбо знесці яго.

Таксама на аўкцыёне за адну базавую велічыню (27 рублёў) можна будзе набыць будынак Дома культуры ў вёсцы Шутавічы, комплекс аб’ектаў былой школы ў аграгарадку Кушляны, будынак былой кацельні ў аграгарадку Залессе, былую школу ў вёсцы Бялкоўшчына, невыкарыстоўваемы будынак дзіцячага садка ў вёсцы Сыроваткі і трусятнік у вёсцы Расло. Усе аб’екты знаходзяцца ў Смаргонскім раёне.

Аўкцыён па продажы будынкаў пройдзе 16 лістапада.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025