Навіны

У школах Гродна ўводзяць масачны рэжым. Але не для ўсіх

У школах Гродна з 9 лістапада, пасля восеньскіх канікул, збіраюцца ўвесці масачны рэжым. Ён будзе абавязковым для ўсіх вучняў з 14 гадоў. Паводле інфармацыі чытачоў Hrodna.life, такую аб’яву зрабілі ў гімназіі № 2, школах № 12 і № 31.

«Сказалі пасля 14 гадоў абавязкова быць у масцы. Да 14 гадоў - на меркаванне. Мне незразумела, як такі метад можа прыпыніць развіццё віруса», — сказаў чытач Hrodna.life.

Пры гэтым у аддзеле адукацыі пра такое рашэнне нібыта пакуль нічога не чулі.

«Мы пакуль такога дакумента не бачылі. У школах канікулы на дадзены момант, ніякіх інструкцый мы не адпраўлялі і самі не атрымлівалі», — сказаў журналісту Hrodna.life начальнік галоўнага ўпраўлення адукацыі аблвыканкама Руслан Абрамчык. Намеснік начальніка аддзела адукацыі гарвыканкама Алена Пахомава таксама не змагла адказаць на пытанне Hrodna.life.

«Насіць маску ў грамадскіх месцах — неабходнасць сённяшняга дня. І бацькі павінны паказаць прыклад дзецям і патурбавацца пра іх здароўе», — патлумачыла «Вячэрняму Гродна» галоўны дзяржаўны санітарны ўрач горада Гродна і Гродзенскага раёна Яніна Шарэнда.

Яна таксама сказала, што калі навучэнец прыйшоў у школу без маскі, то на ўрокі яго пусцяць, але бацькам будуць настойліва рэкамендаваць забяспечыць сваё дзіця неабходнай колькасцю масак.

Каментаваць журналісту Hrodna.life ўвядзенне масачнага рэжыму ў школах Яніна Шарэнда адмовілася.

Што пра масках у школе казаў прэзідэнт?

Упершыню інфармацыя аб магчымым масачным рэжыме ў школах з’явілася ў красавіку 2020. Тады на навіну аператыўна адрэагаваў Аляксандр Лукашэнка.

— Глупства несусветнае. Нельга дзецям гэтыя маскі апранаць, асабліва ў школе. Такога патрабавання не было. І калі дзесьці гэта ёсць, тыя, хто гэта ўвёў, адкажуць, — цытаваў прэс-службу прэзідэнта. — Вы лепш акно адкрыйце, выветрыце, каб было свежа. Калі там нехта «практыкуецца», хутчэй за ўсё, гэта самадзейнасць. А за тое, што міністэрства і губернатары не пракантралявалі гэта пытанне, яны адкажуць.

Падзяліцца

Апошнія запісы

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025