Выкладчык ГрДУ Сяргей Марозаў напісаў заяву на звальненне

Выкладчык Гродзенскага дзяржаўнага ўніверсітэту імя Янкі Купалы Сяргей Марозаў напісаў 30 кастрычніка заяву на звальненне па ўласнаму жаданні. Аб гэтым ён паведаміў у сваім акаунце Facebook. Падпісаць заяву і аддаць працоўную кніжку яму маюць 2 лістапада, паведамілі выкладчыку ў адміністрацыі.

«Немагчыма плённа і натхнёна працаваць на ніве адукацыі і навукі ва умовах, калі адбываецца пераслед з мэтай дыскрэдытацыі як выкладчыка за асабістую думку, меркаванне, адрознае ад «генеральнай лініі»; калі працоўныя дробязі, да якіх гадамі нікому не было справы, раптам становяцца нагодай для дысцыплінарных камісій і вымоваў;

калі кампетэнцыі пачынаюць ацэньваць не па рэальным ведам і вопыту, а па палітычнай «добранадзейнасці» і наяўнасці фармальных паперак; калі студэнтаў і выкладчыкаў у краіне звальняюць за тое, што яны рэалізуюць сваё канстытуцыйнае права на свабоду меркаванняў і мітынгаў;

калі с самага верху даюць карт-бланш на зверскае ўжыванне сілы супраць свайго ж насельніцтва; калі чорнае называюць белым, а белае — неіснуючым; калі на вышэйшым узроўні нацыю падзяляюць на «чырвоных» і «белых» прамовай, што «цяпер той момант, калі кожны павінен выбраць дарогу, па якой ён будзе рухацца». Я выбіраю сумленне", — напісаў ён у сваёй заяве.

Сяргей расказаў Hrodna.life, што маральна быў гатовы да звальнення яшчэ з пачатку выбарчай кампаніі. У верасні выкладчыку здалося, што яго звальненне — справа часу, як толькі накопяцца «задакументаваныя хібы». Яму вынеслі вымову па ч. 3 арт. 53 Кодэкса аб адукацыі - «Педагагічным работнікам забараняецца выкарыстоўваць адукацыйны і выхаваўчы працэсы ў палітычных мэтах». Сам Сяргей не згодзен, што выкарыстоўваў вучэбны працэс для гэтага.

 — Звальняцца не хацелася — мне падабаецца працаваць з моладдзю, са студэнтамі, перадаваць веды і вучыцца самому, быць сярод адукаваных і інтэлігентных калегаў. Неяк спецыяльна падстаўляцца пад звальненне не збіраўся.

Бліжэйшы час хачу адпачнуць, уцяміць, што гэта ўсё было, што рабіць далей. Не магу казаць за ўсіх студэнтаў, але тыя, хто выказаў падтрымку, са шкадаваннем, што зыйшоў. Меркаванне адміністрацыі не ведаю. Адзначу, што нейкіх прамых пагрозаў альбо яўнага запужвання звальненнем не было, — расказаў ён Hrodna.life.

Сяргей Марозаў — дацэнтр кафедры журналістыкі ГрДУ імя Янкі Купалы, кандыдат гістарычных навук. Вясельны фатограф, вядоўца фотакурсаў, байкер. Здымаў акцыі пратэста. У адносінах да яго распачалі адміністрацыйную справу па арт.34.34 КаАП — Парушэнне парадку арганізацыі ці правядзення масавых мерапрыемстваў. 13 жніўня ён выклаў у Instagram відэа, на якім выкінуў у скрыню ўзнагароды, якія атрымаў за пяцігадовую працу з гродзенскай міліцыяй.

Возле ГрГУ задержали бывшую студентку за одиночный пикет. Ранее ее отчислили, когда она легла на операцию

Отчислить «по-тихому» не удалось. Студентка ГрГУ рассказала, за что ее выгнали из университета

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025