Фота: grodnolyalka.by
Спектакль «Паэма без слоў» быў запланаваны на 28 кастрычніка. Каля 14.00 28 кастрычніка гледачам ператэлефанавалі і паведамілі, што пастаноўку адмянілі. У тэатры патлумачылі, што адмена звязаная з хваробай аднаго з акцёраў. Ён здаў тэст на каранавірус — вынікаў пакуль няма.
Паводле інфармацыі Hrodna.life, з акцёраў на бальнічным лісце Аляксандр Рацько, не задзейнічаны ў асноўным складзе спектакля.
Гледачы ў сацсетках запрашалі прыйсці і падтрымаць акцёрскую супольнасці, як раней стала вядома Hrodna.life. У спектаклі задзейнічаны Іван Добрук, якога затрымалі 25 кастрычніка, калі ён ішоў на прыпынак.
Раней спектакль перанеслі з 21 на 28 кастрычніка. Пастаноўка адбудзецца, але дата пакуль невядомая.
Прэм’ера пастаноўкі адбылася ў 2002 годзе. Рэжысёр — Алег Жугжда. Спектакль — удзельнік міжнародных тэатральных фестываляў у Літве, Расіі, Польшчы. Узнагароджаны дыпломам «За лепшы тэатральны эксперымент» VII Міжнароднага тэатральнага фестывалю «Белая Вежа» (г. Брэст), прэміяй імя Ушакова «Лепшая сцэнаграфія», дыпломам «За лепшую рэжысёрскую працу» II Міжнароднага фестывалю тэатраў лялек для дарослых «Лялька таксама чалавек» (г.Варшава).
Рэдакцыя Hrodna.life штодзённа публікуе для вас аператыўныя навіны. На краўдфандынгавай платформе «Талака» можна аформіць штомесячныя плацяжы, каб рэгулярна падтрымліваць рэдакцыю.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…