Навіны

«Мы не хаваем твары — нам не сорамна перад народам». Медыкі Гродна запісалі зварот

Медыцынскія работнікі Гродна паведамілі, што не могуць застацца ў баку ад падзей, якія адбываюцца ў іх любімай краіне. У звароце яны казалі пра гвалт на вуліцах, жорсткае абыходжанне ў тым ліку з іх калегамі, крымінальных справах у дачыненні да грамадзян, рэпрэсіях і «нелегітымнага прэзідэнта».

 — Мы хочам выказаць сваю салідарнасць з людзьмі іншых прафесій, якія не баяцца выказваць сваё меркаванне; усім грамадзянам нашай краіны, якія гэтак жа, як і мы, хочуць атрымаць абарону сваіх правоў і выкананне законаў, — сказалі медыкі ў відэазвароце. — Мы стаміліся баяцца. Мы не робім нічога супрацьзаконнага. Мы не хаваем свае твары, таму што сёння пара прымаць рашэнне. Кожнаму трэба зрабіць свой выбар. Кампрамісаў няма.

Прыводзім патрабаванні медыкаў цалкам:

Патрабуем прызнанаць выбары 09.08.2020 сфальсіфікаванымі.

Патрабуем правядзеньня новых, сумленных выбараў.

Мы супраць гвалту і рэпрэсій.

Мы супраць правядзення так званай «канстытуцыйнай рэформы», падчас якой адбудзецца толькі перагрупоўка кланаў з канчатковым пазбаўленнем магчымасці грамадзян Рэспублікі Беларусь уплываць на лёс сваёй краіны;

Мы патрабуем прыцягнуць да ўстаноўленай законам адказнасці тых, хто ўдзельнічаў або ўдзельнічаюць у катаваннях і здзеках у дачыненні да мірных грамадзян.

Мы патрабуем атрыманне аб’ектыўнай, своечасовай і дакладнай інфармацыі са СМІ;

Мы за спыненне любога пераследу альтэрнатыўных меркаванняў і выказванняў;

Мы патрабуем неадкладнага вызвалення асоб, прызнаных палітвязнямі, і ўсіх незаконна затрыманых падчас мірных пратэстаў грамадзян;

Мы патрабуем спынення дыскрымінацыі прадстаўнікоў царквы і яе служыцеляў і прыхільнікаў;

Мы патрабуем справядлівага і сумленнага судовага разбору па факце фальсіфікацыі выніковых пратаколаў народнага галасавання на выбарах.

Мы выступаем супраць прымусовага звальнення медыцынскага персаналу і работнікаў адміністрацыі медыцынскіх устаноў па прычыне нязгоды з рашэннямі дзеючай улады ў Рэспубліцы Беларусь.

Мы, як прадстаўнікі самай гуманнай прафесіі, якія далі клятву лекара, заяўляем, што гатовыя аказваць медыцынскую дапамогу кожнаму, хто мае патрэбу ў ёй, незалежна ад полу, расы, нацыянальнасці, мовы, паходжання, маёмаснага і службовага становішча, месца жыхарства, адносіны да рэлігіі, перакананняў, прыналежнасці да грамадскіх аб’яднанняў, а таксама іншых абставінаў.

У гэты неспакойны час асабліва запатрабаванай з’яўляецца псіхалагічная і псіхатэрапеўтычная дапамога. Нагадваем, што яе можа атрымаць кожны, незалежна ад пералічаных фактараў, ананімна, патэлефанаваўшы ў кругласутачную бясплатную службу дыстанцыйнай псіхалагічнай дапамогі.

«Тэлефон даверу» па нумары 170 (г. Гродна), альбо 80 152 170 (Гродзенская вобласць).

Падзяліцца

Апошнія запісы

Глебу ў Гродне правераць на заражанасць баршчэўнікам

На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…

29 красавіка 2025

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025