Александр Богдан
Праваслаўнаму святару Аляксандру Богдану з Ваўкавыска вынеслі папярэджанне за ўдзел у жнівеньскім мітынгу. Для яго гэта другі суд за няпоўны месяц. Справу разглядаў 16 кастрычніка Ваўкавыскі раённы суд.
Богдана прызналі вінаватым ва ўдзеле ў несанкцыянаваным мітынгу ў Ваўкавыску 16 жніўня (частка 1 артыкула 23.34 КоАП), піша naviny.media. Па словах жыхароў горада, у тыя дні старшыня Ваўкавыскага райвыканкама Міхаіл Сіцько вусна дазволіў мірныя мітынгі. У міліцыі перакананыя, што дазволаў у той дзень не было.
Чытайце таксама: «Было более-менее приемлемо, меня никто не бил». Как в Гродно задержали и судили директорку детского хосписа
«16 жніўня ў Ваўкавыску быў мірны мітынг, на які выйшла вельмі шмат людзей. За два дні да гэтага мэр даў ухвалу, і ўсе разумелі, што не тое, што біць не будуць, не будуць затрымліваць. Людзі ішлі са спакойным сумленнем, разумеючы, што гэта мірны мітынг і за гэта нічога не будзе. Пазней праваахоўнікі ў інтэрнэце ўбачылі фатаграфію, на якой быў чалавек, падобны да мяне», — расказаў Аляксандр Богдан для Hrodna.life.
Айцец Аляксандр не прызнаў, што парушыў закон. «Па нашаму заканадаўству, міліцыя павінна даказаць маю віну, а я не павінен даказваць сваю невінаватасць», — заявіў ён.
Богдан растлумачыў, што не можа ўдзельнічаць як святар у палітычнай дзейнасці, але можа выказваць сваю грамадзянскую пазіцыю супраць гвалту.
«Не толькі магу, але ў мяне ёсць абавязак гэта рабіць», — сказаў святар.
Святару вынеслі ўжо другое папярэджанне. Першапачаткова Аляксандра Багдана хацелі абвінаваціць па частцы 3 артыкула 23.34 — паўторны ўдзел у несанкцыянаваным масавым мерапрыемстве. Але першае папярэджанне за ўдзел у масавым мерапрыемстве ён атрымаў 30 верасня. Тады яго судзілі за 13 верасня, калі ён усклаў кветкі ў памяць аб сваім знаёмым, загінулым дырэктарам ваўкавыскага музея Канстанціна Шышмакове. Яго знайшлі мёртвым праз тыдзень пасля выбараў. Вядома, што 9 жніўня ён адмовіўся падпісаць выніковы выбарчы пратакол.
Аляксандру Богдану 34 гады, ён жанаты, мае траіх дзяцей ва ўзросце ад двух да дзесяці гадоў. Стаў святаром 11 гадоў таму. Трохі служыў у Гродне, вялікую частку часу — у Ваўкавыску.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…