Новости

«Хацелі вывесці людзей з-пад удару». У Гродне заяўку на мітынг адхілілі, спаслаўшыся на каронавірус

У Гродне грамадскія актывісты падалі заяўку на правядзенне мітынгу ў Каложскім парку ў нядзелю, 11 кастрычніка, у 14.00. Гродзенскі выканаўчы камітэт адмовіў ім, спаслаўшыся на складаную сітуацыю з каронавірусам.

Гэта павінен быў быць мітынг для абмеркавання грамадска-палітычнай сітуацыі ў горадзе і краіне. Дакумента на руках у актывістаў яшчэ няма, яго адправілі поштай, але адказ аддзела ідэалогіі гарвыканкама яны ўжо ведаюць.

Два месяцы пасля выбараў у Беларусі праходзяць пратэсты, яны не сцішваюцца, і кожны раз гэта заканчваецца затрыманнямі. Каб пазбегнуць гэтага, пазбегнуць гвалту, паспрабаваць вывесці людзей з-пад удару — бо людзі ўсё роўна не задаволены сітуацыяй — была спроба пайсці законным шляхам. Гарвыканкам не пайшоў насустрач, — распавёў Hrodna.life Вадзім Саранчукоў, старшыня гродзенскай арганізацыі партыі БНФ.

Актывісты расчараваныя адказам уладаў - атрымліваецца, гарвыканкаму падабаецца, калі людзей збіваюць. Заяўку на мітынг падавала фізічная асоба, у межах заканадаўства. Месцам правядзення выбралі Каложскі парк, бо ён уключаны ў спіс месцаў для правядзення масавых мерапрыемстваў. Таму актывісты павінны былі не прасіць дазволу на правядзенне, а толькі ўведаміць аб гэтым гарадскія ўлады.

Чытайце таксама: В Гродно во время ярмарки задержали минимум шесть человек. Среди них — 13-летняя девочка

«Гарвыканкам можа адмовіць толькі ў выпадку, калі там праводзіцца іншае мерапрыемства, і тады прапанаваць іншае месца або час. Гэтага няма, адсылка была толькі на складаную сітуацыю з COVID», — патлумачыў Вадзім Саранчукоў.

«Забарона на масавыя мерапрыемствы можа быць, толькі калі галоўны санітарны ўрач Беларусі або вобласці ўводзіць каранцін. У адкрытым доступе такой рэкамендацыі цяпер няма, — дадаў грамадскі актывіст Зміцер Бандарчук. — Мы не ведаем, якая сітуацыя ў Гродне, мы ведаем, што складаная эпідэміялагічная сітуацыя па рэспубліцы. Можа, усе выпадкі ў Беларусі - не ў Гродне».

Сапраўды, дакладных дадзеных аб колькасці тых, хто захварэў, у Гродне не публікавалі з 24 красавіка 2020 года. 10 верасня Гродзенскі абласны цэнтр гігіены, эпідэміялогіі і грамадскага здароўя паведамляў пра невялікі рост захворванняў, падкрэсліваючы, што ўспышкі каранавіруса ў горадзе няма.

Чытайце таксама: В Волковыске в воскресенье люди пошли в церковь вместо митинга — но их все равно задерживали

Ініцыятары падачы заяўкі на правядзенне мітынгу збіраюцца абскардзіць рашэнне гарвыканкама ў судзе. Такім чынам яны спадзяюцца атрымаць нейкае афіцыйнае тлумачэнне, на аснове чаго ўлады адмовілі ў правядзенні мерапрыемства.

Калі сітуацыя складаная, улады павінны афіцыйна заявіць пра гэта, упэўнены Вадзім Саранчукоў. «Але тады будзе пытанне не толькі з масавымі мерапрыемствамі, а і з працай вытворчасцяў, школаў - калі сапраўды ёсць такая праблема. Складаная эпідсітуацыя не прычына для адмовы ў правядзенні мерапрыемства паводле закону».

Датэлефанавацца ў аддзел ідэалогіі Гродзенскага гарадскога выканаўчага камітэта Hrodna.life не ўдалося.

Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025