Сяргей Ціханоўскі напісаў гродзенцы, якая вядзе з ім перапіску. У ім ён падзякаваў за верш, перадаў прывітанне краме з нацыянальнай сімволікай «Адметнасць» і ўсім гродзенцам. А таксама паабяцаў адсвяткаваць перамогу з імі.

«Ребятам из „Адметнасці“, художнику и всему Гродно отменя передавайте привет! Приеду как смогу! Буду рад отпраздновать с вами победу! Верым! Можам! Абавязкова пераможам!» — напісаў Сяргей Ціханоўскі.

Ліст датаваны 22 верасня 2020 года. Сяргей Ціханоўскі знаходзіцца за кратамі 124 дні.

Сяргей Ціханоўскі - прадпрымальнік і блогер, які стварыў канал «Страна для жизни». Увесну 2020 года абвясціў аб удзеле ў прэзідэнцкіх выбарах, але не змог падаць дакументы на рэгістрацыю ініцыятыўнай групы з-за арышту. Тады ў якасці прэтэндэнта ў кандыдаты на пасаду прэзідэнта падала дакументы яго жонка Святлана Ціханоўская.

Кто такой блогер Сергей Тихановский, который хочет быть президентом Беларуси

"Прыеду, як змагу!" Сяргей Ціханоўскі даслаў ліст гродзенцам з турмы
Ліст ад Сяргея Ціханоўскага

В Гродно открылась «Адметнасць» — магазин с национальной символикой

Што адбылося ў Гродне ў дзень візіта Ціханоўскага?

У Гродне затрымалі палітычных актывістаў. Увечары 29 траўня на пікеце падчас збору подпісаў за Святлану Ціханоўскую адбыўся інцыдэнт, у выніку якога блогера Сяргея Ціханоўскага і некаторых яго прыхільнікаў затрымала міліцыя. Сярод затрыманых — сябра ініцыятыўнай групы Дзмітрый Фурманаў. Удзельніцу верагоднай правакацыі супраць Ціханоўскага апазналі ў сацсетках.

Затрыманні працягнуліся на наступны дзень. 30 траўня затрымалі актывіста Мікалая Саляніка, які днём раней вёў перамовы з кіраўніцтвам міліцыі і спрабаваў даведацца, за што быў затрыманы і дзе знаходзіцца Ціханоўскі. Праваабарончы цэнтр «Вясна» склаў спіс затрыманых у Гродне. Частку з іх перавезлі ў Мінск.

Гэта не спыніла ініцыятыўную групу Ціханоўскай. Афіцыйна было заяўлена, што падчас інцыдэнту пацярпеў міліцыянт. Узбуджаная крымінальная справа па факце гвалту ў адносінах да супрацоўнікаў органаў унутраных справаў. Нягледзячы на ​​гэта, на наступныя дні да пікету Святланы Ціханоўскай выстраіліся чэргі — людзі стаялі, каб аддаць подпіс, нават пад дажджом.

Праваабаронцы прызналі Сяргея Ціханоўскага і іншых затрыманых у Гродне палітычнымі вязьнямі.

У выніку пад удар патрапілі і выпадковыя людзі. Увечары 29 траўня ў сацсетках пачалося цкаванне выпадковага чалавека, якога прынялі за супрацоўніка органаў у цывільным, які ўдзельнічаў у затрыманні ў Гродне. У дзяржаўных СМІ з другога боку пачалося цкаванне 81-гадовай пенсіянеркі Галіны Філіпаўны, якая падчас стрыму з Савецкай плошчы выказалася супраць Лукашэнкі і ў падтрымку Ціханоўскіх. Пенсіянерку Станіславу Дамшэль, якая 29 траўня таксама была на Савецкай, абвінавацілі ў дробным хуліганстве, але яна не пусціла міліцыю да сябе дадому. Выпадковыя людзі былі і сярод затрыманых на плошчы.