Дэпартамент фінансаў і тылу МУС закупляе відэа- і аўдыёабсталяванне на суму ў 148 900 тысяч беларускіх рублёў (каля 57 тысяч долараў па цяперашнім курсе). Усяго за гэтыя грошы міліцыя плануе набыць 92 відэакамеры і 54 дыктафоны.
У заяўцы на сайце дзяржзакупаў пазначаны прыкладныя мадэлі камер, якія папасуюць міліцыянтам. Прыведзенаму апісанню відеапрылад адпавядаюць лічбавыя відэакамеры “Panasonic HC-W580”, “Panasonic HC-V380” альбо іх аналагі. Гэта камеры, падобныя да тых, што выкарыстоўваюць так званыя “ціхары” — супрацоўнікі органаў унутраных спраў і іншых дзяржструктур у цывільным — выкарыстоўваюць на пратэстных акцыях, каб здымаць мітынгоўцаў, піша “Еўрарадыё”.
Чытайце таксама: Кто такие «тихари»? Как сотрудники таможни, прокуратуры, МЧС и Следственного комитета работали на выборах президента и протестах
Таксама сілавікам патрэбны даражэйшыя мадэлі. Напрыклад, адпавядаюць заяўкам камера “Sony Handycam FDR-AX53”, цана на якую вагаецца каля 3 тысяч рублёў, і камера “Panasonic AG-UX180”, арыенціровачны кошт якой — каля 6 тысяч рублёў. “Panasonic AG-UX180” — гэта “мадэль прэміум-класа серыі UX”, якая падтрымлівае прафесійныя функцыі і вылучаецца тэхнічнымі характарыстыкамі “для самых патрабавальных карыстальнікаў”.
Таксама прадстаўнікам МУС спатрэбілася экшн-камера накшталт “GoPro HERO5 Session”. Кошт камер GoPro Hero – да 193 рублёў.
6 верасня МУС асобнай заяўкай таксама размясціў тэндар на куплю гуказапісвальнага абсталявання — ад простых да прафесійных прылад. У многіх заяўках месцам пастаўкі тавару пазначаны Дзяржынск.
Як пракаментаваў Еўрарадыё прадстаўнік Дэпартамента фінансаў Павел Сілівончык, “камеры будуць выкарыстоўвацца па прамым прызначэнні. Для здымкі”. А ў Дзяржынск абсталяванне прывезлі таму, што там знаходзіцца склад МУС: “Гэта для ўсёй рэспублікі”.
