Міжнародная праваабарончая арганізацыя Human Rights Watch заклікае ААН і АБСЕ неадкладна пачаць расьсьледаваньні фактаў гвалту з боку сілавікоў падчас кампаніі прэзыдэнцкіх выбараў у Беларусі, піша С**бода.
Як вынікае з адмысловага дакладу, праваабаронцы сабралі сьведчаньні затрыманых пра зьбіцьцё і катаваньні, некаторыя выпадкі выходзяць за межы разуменьня.
Пра згвалтаваньне дубінкай заявіў 30-гадовы праграміст. Яго затрымалі ў цэнтры Менску 11 жніўня, а гвалт, зь ягоных слоў, учыніў старшы супрацоўнік АМАП у міліцэйскай машыне. Гэта малады чалавек пацьвердзіў мэдычнымі дакумэнтамі, дзе гаварылася аб зафіксаваных у яго гематомах у вобласьці машонкі, задняга праходу, а таксама чэрапна-мазгавой траўме і страсеньні мозгу.
«Амапаўцы патрабавалі разблякаваць тэлефон. Я адмовіўся. Паклікалі старшага. Ён стаў пагражаць — дубінку ў азадак засуну. Потым разрэзаў мне шорты і трусы ззаду, крыж-накрыж, крыкнуў сваім, ці ёсьць у каго прэзэрватыў. Я ляжаў на падлозе тварам уніз, але бачыў, як ён прэзэрватыў нацягвае на дубінку. І ён засунуў мне дубінку ў задні праход. Выцягнуў, зноў запатрабаваў пароль. Біў кулакамі і нагамі — па рэбрах, па твары, у зубы…»
У Міністэрстве ўнутраных спраў заяву аб згвалтаваньні міліцыянтамі назвалі «фэйкам».
«Магу з усёй адказнасьцю заявіць, што няма ніводнага выяўленага факту згвалтаваньня з боку супрацоўнікаў міліцыі», — сказаў 16 верасьня падчас прэс-канфэрэнцыі першы намесьнік міністра ўнутраных спраў Генадзь Казакевіч. — Інфармацыя аб тым, што мелі месца згвалтаваньні, звычайны фэйк. Згвалціць у аўтазаку нельга", — перакананы міліцэйскі чыноўнік.
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…