У Гродне затрымалі мужчыну і жанчыну, якія расклейвалі ўлёткі пра супрацоўніцу АМАПа ў інтэрнаце, дзе яна жыве. На ўлётках была фатаграфія супрацоўніцы і надпіс «Ганьба карнікам». Прэс-служба МУС распаўсюдзіла відэа з прабачэннем затрыманага.
Затрыманай жанчыне 34 гады, яна працуе лагістам-экспедытарам у транспартнай кампаніі, паведамляе МУС. Мужчыны — 37 гадоў, ён індывідуальны прадпрымальнік. Улёткі з фатаграфіяй супрацоўніцы АМАПу і надпісам: «Карнікі сярод нас! Ганьба!» яны распаўсюдзілі ў інтэрнаце, дзе жыве міліцыянт, і на суседніх дамах, паведамляе ведамства.
На відэа твар мужчыны ўтоены. У запісе ён распавядае, што на ўлётках было напісана аб перавышэнні паўнамоцтваў супрацоўніцай. Згодна з відэа, звесткі пра яе ён даведаўся з Telegram-канала. Невядомы за кадрам пытае мужчыну, ці пераправерыў той інфармацыю асабіста, на што ён адказвае «Не». Далей на запісы мужчына кажа, што шкадуе, і што інфармацыя была непраўдзівай. Як ён у гэтым пераканаўся, не ўдакладняецца.
Чытайце таксама:
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…