Фота: pixabay.com
Раніцай 8 верасня «Вячэрні Гродна» размясціў інфармацыю аб успышцы каранавіруса ў Гродне. Газета са спасылкай на гарвыканкам паведаміла, што за апошні тыдзень у горадзе выявілі 449 новых выпадкаў. Гэта на 60% больш, чым тыднем раней. У 16.00 гарадскі выканаўчы камітэт абверг Hrodna.life гэтую інфармацыю — паведамілі, што лічбы несапраўдныя.
Раней у Гродне зафіксавалі 281 выпадак COVID-19, а за апошні тыдзень колькасць новых выпадкаў нібыта павялічылася да 449, і сярод тых, хто захварэў, 10 педагогаў, паведамляў «ВГ». Выданне спасылалася на планёрку ў гарвыканкаме.
У 16.00 у рэдакцыю Hrodna.life патэлефанавалі з аддзела ідэалогіі і ўдакладнілі, што лічбы няслушныя. «Вячэрні Гродна» інфармацыю аб успышцы з сайта прыбраў.
На 8 верасня ў Беларусі зарэгістравана 73 208 чалавек з станоўчым тэстам на COVID-19, паведамляе Мінздароўя. За суткі прырост пацверджаных выпадкаў па краіне склаў 177. Паправіліся і выпісаныя 71 916 пацыента, у якіх раней быў зафіксаваны дыягназ COVID-19. За ўвесь перыяд распаўсюджвання інфекцыі на тэрыторыі краіны памерлі 721 пацыентаў (пяць за апошнія суткі).
Белстат не публікаваў статыстыку смяротнасці ў Беларусі, але ў звычайным парадку перадаў інфармацыю ў ААН, якая і абнародавала яе.
Лічбы студзеня-сакавіка ў цэлым адпавядаюць паказчыкам гадоў з нізкім узроўнем захворвання на грып і ВРВІ, які адзначаўся гэтай зімой. Смяротнасць ж за красавік-чэрвень перавысіла сярэднюю за апошнія 5 гадоў прыкладна на 5500 чалавек.
Такіх лічбаў не назіралася ні разу з 1980 года, пакуль на сайце ААН вядзецца падрабязная статыстыка.
У афіцыйнай статыстыцы ўсе гэтыя лічбы запісаны ў катэгорыю «Хваробы сістэмы кровазвароту», мяркуе акадэмік Нацыянальнай акадэміі навук Беларусі, доктар медыцынскіх навук, прафесар, былы дырэктар РНПЦ «Кардыялогія» Аляксандр Мрочак.
Па афіцыйных дадзеных, па стане на 30 чэрвеня ад COVID-19 у Беларусі памерла толькі 398 пацыентаў - амаль у 14 разоў менш, чым прырост статыстыкі смяротнасці за красавік-чэрвень.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…