Карыкатурыст Андрэй Янковіч атрымаў за свой перформанс 7 сутак адміністрацыйнага арышту
Пасля мітынгу 30 жніўня пра карыкатурыста Андрэя Янковіча даведаўся ўвесь Гродна. Яго пераўвасабленне ў «ненастаяшчага прэзідэнта» стала сенсацыяй дня. Затрымліваць мастака прыехалі два буса з АМАПам. На раніцу ён прачнуўся знакамітым, але — у камеры ізалятара часовага ўтрымання.
З Hrodna.life звязаўся адзін з сукамернікаў Андрэя, які выйшаў з ІЧУ на вуліцы Гая 2 верасня. Пасля размовы з ім мы знайшлі акаўнты Янковіча ў сацыяльных сетках. Эпіграфам да старонкі карыкатурыста стаяць словы «Я быў янотам да таго, як гэта стала мэйнстрымам». Дарэчы, «ненастаяшчага прэзідэнта» ён касплэіў яшчэ да выбараў. Тады фотаперформанс не сабраў і 10 лайкаў.
Андрэю Янковічу 32 гады. Ён інжынер-канструктар і тэхнолаг, скончыў Гродзенскі тэхналагічны каледж, а пазней БНТУ. Апошнія гады працаваў на прадпрыемстве «Біякам». Як навыкі ў яго рэзюмэ адзначаны праектаванне, 3D-мадэляванне і аналіз дадзеных.
Акрамя інжынернай працы Андрэй малюе ілюстрацыі і карыкатуры, пастаянна супрацоўнічае з некалькімі беларускімі СМІ. Гродзенцы маглі бачыць яго малюнкі ў «Вячэрнім Гродне».
Хобі ў інжынера і карыкатурыста — бокс. Ён трэніруецца ў адным са спартыўных клубаў горада.
Былы сукамэрнік мастака распавёў, што на затрыманне Янковіча прыязджалі «два бусы з АМАПам», а ў кватэры, якую ён здымае, правялі ператрус.
Чытай яшчэ: УВД: 1 сентября в Гродно задержали 10 человек, из них двое ранее проходили по уголовным делам
Сярод персаналу ІЧУ Янковіч карыстаецца папулярнасцю. Міліцыянты прыходзілі на яго паглядзець, а некаторыя нават прасілі зрабіць сэлфі з «Рыгорычам».
Карыкатурыста былы сусед па камеры апісвае як «простага, спакойнага хлопца з пачуццём гумару». Па яго словах, Янковіч даўно заўважыў сваё партрэтнае падабенства з Аляксандрам Лукашэнкам. У чэрвені ён спецыяльна пагаліў лысіну, зладзіў першы касплэй і выклаў фота ў сацыяльныя сеткі. Тады на іх не звярнулі ўвагі - акрамя сяброў ніхто нават лайкаў не паставіў. Калі на фоне пратэстаў тэма «гэтага» прэзідэнта стала актуальнай, Янковіч вырашыў паказаць свой вобраз на вуліцы.
Суд ацаніў перформанс у 7 сутак адміністрацыйнага арышту.
Чытай яшчэ: Шествия и задержания. Гродненцы собрались 30 августа на мирную акцию
Былы сусед Янковіча па камеры мяркуе, што цяпер мастаку «прымяраюць» артыкул аб абразе прэзідэнта. Калі такое абвінавачванне будзе прад’яўленае, Янковіч стане другім з гродзенскіх мастакоў, чыю творчасць разглядаюць з гэтага пункту гледжання. Першым быў Алесь Сураў. У 1999 годзе яго пераследавалі з-за дзёрзкіх карыкатур у адрас кіраўніка дзяржавы. Абвінавачванне знялі, калі за Сурава ўступілася сусветная супольнасць мастакоў.
Чытай яўчэ: «Ну не свиньи, а?» Алесь Суров представил в Гродно выставку «В стране сала«
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
Калі вы хацелі жыць у кватэры з уласнай фрэскай, ды яшчэ і блізка да прыроды,…