Пасля выбараў 9 жніўня гродзенцы кожны дзень выходзяць на мірныя акцыі пратэсту. У нядзелю 23 жніўня людзі сабраліся на Савецкай плошчы, каб прайсці калонай да плошчы Леніна і правесці мітынг. Яны адмаўляюцца прызнаць вынікі выбараў і асуджаюць рэпрэсіі у адносінах да мірных грамадзянаў. Да часу пачатку шэсця на вуліцы Кастрычніцкай ужо стаялі аўтазакі. Міліцыя папярэдзіла, што мерапрыемства несанкцыянаванае. Людзі скандавалі «Свабоду!» і «Сыходзь!».
Рух у цэнтры да 14.00 ужо перакрылі. На пад’ездах да Савецкай плошчы стаялі пасты ДАІ. Гродзенцы прайшлі па пешаходнай вуліцы Савецкай да плошчы Леніна. Тут сабралася каля 12 000 чалавек. Людзі скандавалі «Кожны дзень!», «Свабоду!"і «Лукашэнка ў аўтазак!».
Выступоўцы на плошчы Яўген Дудкін і Мікалай Салянік заклікаюць адклікаць дэпутатаў, «якіх мы не выбіралі». Салянік нагадаў аб дзеяннях АМАП. Ён кажа, што не можа зразумець, як жанчыны на праўладных мітынгах апраўдваюць іх дзеянні. Ён нагадаў пра затрыманне Руслана Кулевіча, яго зламаных руках і цяжарнай жонцы.
У знак смутку аб загінулых падчас мірных акцый пратэсту і зніклых без вестак удзельнікі мітынгу правялі хвіліну маўчання. Многія сталі на калені.
З 20 жніўня ўлады горада адмянілі сваё рашэнне аб падтрымцы мірных акцый гродзенцаў і перасталі прадастаўляць гукаўзмацняльную апаратуру. Актывіст Мікалай Салянік прапанаваў сабраць грошы «на гук». Людзі давалі па 5, 10, 20 рублёў. Усяго сабралі 3200 рублёў.
Са сцэны папрасілі гродзенцаў прыйсці на суд над актывістам Дзмітрыем Цітом. Пасяджэнне пройдзе 24 жніўня ў 17.15 у судзе Ленінскага раёна Гродна.
Таксама выступоўцы падзякавалі за салідарнасць літоўцаў. Сёння яны праводзілі «шлях свабоды» — сталі ў жывы ланцуг ад Вільні да беларускай мяжы.
Пасля мітынгу валанцёры прыбралі смецце з плошчы Леніна смецце.
Калона рушыла ў бок Гродзенскай турмы № 1. Тут людзі скандавалі «Свабоду!», «Выпускай!» і «Жыве Беларусь!». Ім сігналілі аўтамабілі.
Пасля гэтага прысутныя прайшлі круг па Савецкай плошчы.
Каля 16.30 людзі пачалі разыходзіцца групамі. Многія скандавалі «Верым! Мажам! Пераможам!».
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…