Падапечныя Ігара Кавалевіча працягваюць сваю бяспройгрышную серыю ў чэмпіянаце Беларусі. 1 жніўня «Нёман» на сваім стадыёне абыграў «Дынама-Мінск» — 1:0. Адзіны гол у матчы забіў Даніэль Стойкавіч.
Гродзенцы забілі адразу ў пачатку другога тайма. Пасля падачы Слабашэвіча Стойкавіч першым закрануў мяч галавой і адправіў яго ў сетку варот «Дынама».
«Нёман» — «Дынама-Мінск» — 1:0
Гродзенскі клуб не прайграе ўжо 11 паядынкаў запар і не прапускае восем матчаў запар. Гэта клубны рэкорд.
У турнірнай табліцы «Нёман» ідзе на трэцім месцы і мае ў сваім актыве 37 ачкоў.
