Па стане на 29 ліпеня каронавірусам заразіліся 67 518 беларусаў, ачунялі і выпісаныя 61 442 пацыенты. 548 чалавек з пацверджаным COVID-19 памерлі, паведамляе Міністэрства аховы здароўя.
За апошнія суткі ў Беларусі выявілі 152 новыя выпадкі, паводле афіцыйных звестак, памерлі 5 чалавек, 773 пацыента паправіліся.
Усяго за перыяд распаўсюджвання каранавіруса ў Беларусі правялі 1 278 583 тэстаў.
СААЗ папярэджвае аб росце захворвання сярод моладзі ў Еўропе. Доктар Ханс Клюге, еўрапейскі рэгіянальны дырэктар Сусветнай арганізацыі аховы здароўя (СААЗ), кажа, што гэта можа быць прычынай нядаўніх выбухаў захворвання на кантыненце, піша BBC.
Палёты ў Польшчу і адаптыўны каранцін у Украіне
З сённяшняга дня Польшча зняла забарону на палёты з Беларусі, інфармуе польскі ўрад. «Белавія» аднавіла штодзённыя рэйсы Мінск — Варшава — Мінск. Пакуль у адпаведнасці з правіламі Эўразьвязу ў краіну змогуць прыбываць толькі пэўныя катэгорыі пасажыраў, піша onliner.by. У гэтым пераліку грамадзяне Польшчы, члены іх сем’яў, уладальнікі карты паляка, транзітныя грамадзяне ЕС і гэтак далей. Вызначаны таксама тыя, каму не патрабуецца каранцін. Сярод іх грамадзяне Польшчы, іх мужы, жонкі і дзеці, студэнты, якія вучацца ў Польшчы, уладальнікі віду на жыхарства.
У Украіне з 1 жніўня пачнуць дзейнічаць новыя правілы каранціну: у залежнасці ад эпідэмічнай сітуацыі ў рэгіёнах вызначаць зялёны, жоўты, аранжавы або чырвоны ўзровень небяспекі распаўсюджвання каранавіруса. Адпаведна з імі будуць прымяняцца больш ці менш строгія абмежаванні. Будуць улічваць: узровень запоўненасці койка-месцаў (не больш 50%), колькасць тэставанняў на 100 тысяч грамадзян, працэнт выяўлення хворых і дынаміку захворвання. Рэгіён можа перайсці ў іншую зону, калі пяць дзён запар расце хаця б адзін з чатырох паказчыкаў, пісаў раней 5.ua.
