У красавіку прэзідэнт зацвердзіў Генеральны план развіцця Гродна з прыпіскай «распрацаваць да 2021 года схему азелянення». Гарадскія ўлады вырашылі за некалькі гадоў максімальна азеляніць вуліцы, скверы і дваровыя тэрыторыі. Згодна з генпланам у горадзе створаць суцэльныя зялёныя калідоры, пашыраць скверы ў старых мікрараёнах, пасадзяць дрэвы ў санітарных зонах буйных прамысловых прадпрыемстваў, паведамляе sb.by.
Сёння на аднаго жыхара горада прыпадае каля 15 квадратных метраў зялёных насаджэнняў. Генпланам прадугледжана да 2030 года павялічыць гэты паказчык да 22 «квадратаў», агучыў вясной 2019 года Мечыслаў Гой, старшыня Гродзенскага гарвыканкама. Дасягнуць гэтага паказчыка плануюць раней.
У 2020−2021 гадах павінна быць распрацавана і зацверджана схема азелянення тэрыторый горада. Працу над ёй завершаць восенню. Тры праекты дэталёвай планіроўкі горада гатовыя, чацвёрты выстаўлены на грамадскае абмеркаванне, сказала Вольга Барэйка, галоўны архітэктар Гродна.
В Гродно высадят 1600 деревьев и 2500 кустарников
Гарадскія пусткі, на якіх не плануецца шматпавярховая забудова, разглядаюцца як перспектыўныя месцы для разбіўкі сквераў, стварэння зон адпачынку гараджан.
Фолюш. Тэрыторыю на месцы знесеных незаконна разбітых агародаў у мікрараёне Фолюш ператварылі ў паркавую зону з выхадам да рэчкі Ласасянка. Там з’явіліся алеі, устаноўлены малыя архітэктурныя формы.
Дзевятоўка. Немалую тэрыторыю пад парк адвялі на пустцы паміж прыватным сектарам і шматпавярховай забудовай у мікрараёне Дзевятоўка. Гэты мікрараён больш за іншых мае патрэбу ў азеляненні.
Вішнявец. У 2020 годзе вялікі аб’ём работ па азеляненні запланаваны ў раёне гарадской бальніцы № 4. Там закладзены парк. Лесапарк непадалёк плануецца прарэдзіць. У выніку ў жыхароў мікрараёна Вішнявец з’явіцца месца адпачынку.
Курчатава. Другая буйная пляцоўка знаходзіцца па вуліцы Курчатава каля царквы. Тут з’явяцца новыя пешаходныя дарожкі, месцы адпачынку. Высадзяць дадатковы дэкаратыўны хмызняк, каштаны, грабы.
Ленінскі раён. У Ленінскім раёне акцэнт будзе зроблены на добраўпарадкаванні галоўных вуліц, не застанецца без увагі гістарычны цэнтр горада.
Кастрычніцкі раён. Увосень прыкметна зменяцца тэрыторыі агульнага карыстання — пешаходныя зоны і скверы. Асноўныя пасадкі дрэў прыйдуцца на вуліцы Айчынную і Гродзенскую.
З пачатку года ў двух раёнах Гродна высаджана больш за 1400 дрэў і 3300 кустоў. Увосень, калі адновяцца масавыя пасадкі, «Гродназеленбуд» мае намер пасадзіць яшчэ каля 1500 дрэў і 2000 кустоў. Дзякуючы цёплай зіме пасадкі працягваліся практычна ўвесь асенне-зімовы сезон, які затым плаўна перацёк ў вясновы.
Как Президент скорректировал генеральный план Гродно
Новыя паркі і скверы засаджваюць бярозамі, ясенямі, рознымі пародамі іваў. Закладваюцца дубовыя і ясеневые алеі. Уздоўж дарог з’яўляюцца клёны і ліпы. У азеляненні выкарыстоўваюцца ў асноўным расліны, якія не выдаюць рэзкіх пахаў, устойлівыя да шкоднікаў, распавяла Таццяна Пашкевіч, ландшафтны архітэктар прадпрыемства «Гродназеленбуд».
З кветак на вуліцах горада можна ўбачыць блакітную аўсяніцу, асцільбу, гейхеру, бадан, хасты. Выкарыстоўваецца больш за 600 тысяч раслін, адзначыла Таццяна Пашкевіч. У 2020 годзе ў парку Жылібера з’явіліся вертыкальныя кветкавыя сценкі.
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…
«Такіх месцаў і ў свеце не так многа, а ў Беларусі нічога падобнага проста няма», —…
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…