14 ліпеня ЦВК зарэгістраваў пяць кандыдатаў у прэзідэнты Беларусі. Сярод іх няма Віктара Бабарыкі і Валерыя Цапкала. Увечары пасля абвяшчэння вынікаў рэгістрацыі на цэнтральную плошчу Гродна выйшла міліцыя і некалькі дзясяткаў гродзенцаў.
Ацаніць, з якой мэтай жыхары Гродна выйшлі на Савецкую плошчу — складана. Людзі стаялі невялікімі групамі, размаўлялі. Некаторыя каталіся на роварах і машынках з суседняга пракату. Некалькі чалавек прыйшлі з бел-чырвона-белымі сьцягамі.
Па плошчы некалькі разоў пракацілася хвалі апладысментаў.
У гэты ж час на вуліцы Кастрычніцкай стаяў мікрааўтобус і аўтобус, а на стаянцы ля гатэля Сямашка запарковалі аўтазак.
Аўтамабілі, што праязджалі па плошчы, сігналілі.
Калі 9 вечара людзей стала больш. Каля паўсотні чалавек утварылі ланцуг уздоўж палаца тэкстыльшчыкаў і вуліцы Маставой.
