У Гродне арганізуюць арт-вечары з экспрэс-выставамі і выязным гандлем

Культурны цэнтр «Фестывальны» запрашае на адкрыццё арт-пляцоўкі на вул. Тэльмана, 4. Кожную сераду на адкрытай пляцоўцы ля «Фестывальнага» будуць арганізоўваць арт-вечары.

Час правядзення арт-вечара — 18.00−19.30. Па выніках мерапрыемстваў плануюць правесці выставу работ, намаляваных у выніку сумесных АРТдзеянняў.

У рамках арт-вечару плануецца:

• выступ аднаго аматарскага калектыву (музычнай групы, групы салістаў і г. д.), у тым ліку прадстаўнікоў розных нацыянальных аб’яднанняў;
• майстар-клас па народнаму рамяству, фатаграфіі, жывапісу;
• АРТ-дзеянне (сумеснае маляванне адной карціны, размалёўванне аднаго з нацыянальных арнаментаў, графічных малюнкаў з відамі горада і г. д.);
• «Экспрэс-выставы пад адкрытым» небам работ мастакоў і майстроў-рамеснікаў;
• «Гісторыя адной карціны» (выстава адной з карцін дзеючай экспазіцыі, яе гісторыя, знаёмства з аўтарам); - майстар-клас па народным і эстрадным танцы;
• імправізаваныя інтэрактыўныя спектаклі з удзелам тэатральных калектываў Цэнтра культуры і гледачоў;
• выязны гандаль прылеглых кафэ.