Дзяржінспекцыя патлумачыла, чаму ў Нёмане адбыўся мор рыбы

З-за надвор’я ў вадаёмах Беларусі рэзка пагаршаюцца ўмовы пражывання рыбы. У некаторых з іх сустракаюцца перадзаморныя і заморныя з’явы, паведаміла Дзяржаўная інспекцыя аховы жывёльнага і расліннага свету пры Прэзідэнце Рэспублікі Беларусь.

У маі-чэрвені 2020 года было 15 фактаў гібелі рыбы ва ўсіх абласцях краіны: у Нёмане Гродзенскай вобласці, у рэках Бесядзь і Крупка Магілёўскай вобласці, у Чачоры Гомельскай вобласці, у возеры Заднім Віцебскай вобласці.

Сярод прычын гібелі рыбы ў беларускіх вадаёмах — бактэрыяльная інфекцыя, чалавечая дзейнасць, празмерная зарастальнасць, трапленне прадуктаў гніення. Да некаторых захворванняў схільныя пэўныя віды рыб. Але пры зніжэнні ўзроўню кіслароду ў вадзе гіне рыба рознага выгляду і ўзросту, як гэта было ў Нёмане.

Што зрабілі ў Дзяржінспекцыі?

Дзяржінспекцыя кантралюе стан рыбалоўных угоддзяў, выкананне патрабаванняў прыродаахоўнага заканадаўства суб’ектамі гаспадарання паблізу водаахоўных зон або ў іх межах.

Што можаце зрабіць вы?

Дзяржінспекцыя просіць паведамляць на тэлефон даверу (8017 390−00−00, 8033−333−60−00) аб выяўленні ў рыбалоўных угоддзях прыкмет предзаморных з’яў або фактаў гібелі рыбы.