Чарговая акцыя салідарнасці з затрыманымі актывістамі і палітыкамі прайшла ў Гродне 26 чэрвеня. Некалькі дзясяткаў чалавек сабраліся на скрыжаванні вул. Ажэшкі і вул. Дзяржынскага.
«За парушэнне парадку правядзення масавых мерапрыемстваў затрыманыя жыхары абласнога цэнтра. У дачыненні да іх распачаты адміністрацыйны працэс. Супрацоўнікі міліцыі неаднаразова папярэджвалі грамадзян аб адміністрацыйнай адказнасці за дадзенае правапарушэнне, а таксама аб неабходнасці захавання грамадскага парадку», — распавёў Hrodna.life афіцыйны прадстаўнік УУС гродзенскага аблвыканкама Яўген Дудко.
Паводле звестак міліцыі, усяго ў Гродне ўвечары 26 чэрвеня было затрымана пяць чалавек.
Hrodna.life вёў тэкставую трансляцыю з месца.
