Новости

Амаль 50 тысяч беларусаў заразіліся COVID-19. Выйшаў новы закон аб COVID-19 — каго будуць шпіталізаваць?

У Беларусі на 8 чэрвеня зарэгістраваныя 49 453 (+823) чалавека са станоўчым тэстам на COVID-19. Ачунялі 23 880 (+233) пацыентаў, памерлі 276 (+7) пацыентаў, паведамляе Міністэрства аховы здароўя.

Усяго праведзена 632 993 тэсты.

Чытачы даслалі ў рэдакцыю T*T.BY новы загад Міністэрства аховы здароўя ад 5 чэрвеня № 615 «Аб аказанні медыцынскай дапамогі пацыентам з інфекцыяй COVID-19». Ён змяняе папярэдні загад ад 21 траўня.

Бальніцы і паліклінікі будуць працаваць як да COVID-19

Да 15 чэрвеня начальнікам упраўленняў па ахове здароўя аблвыканкамаў і Мінгарвыканкама трэба распрацаваць паэтапныя планы вяртання арганізацый аховы здароўя ў рэжым звычайнага функцыянавання, сказана ў дакуменце.

Пры гэтым, праўда, павінны быць прадугледжаны магчымасці арганізаваць аддзяленне або яго частку, якое будзе працаваць у рэжыме інфекцыйнага стацыянара (з падзелам на чыстыя і брудныя зоны), або баксаваныя палаты.

Каго шпіталізуюць абавязкова

Па загадзе, абавязкова шпіталізаваць павінны: пацыентаў з пнеўманіяй і COVID-19 або падазрэннем на COVID-19, пацыентаў з вострым рэспіраторным дыстрэс-сіндромам і з інфекцыяй COVID-19.

Дыягназ COVID-19 па новым загадзе ставіцца:

  • па аднаразоваму станоўчаму тэсту ПЦР;
  • пры тыповай рэнтгеналагічнай сімптаматыцы (па дадзеных КТ) і клінічнай карціне з наступным станоўчым тэстам;
  • пры двух станоўчых тэстах сералагічнай дыягностыкі (у тым ліку экспрэс-тэстах на антыцелы) з інтэрвалам не менш за суткі і тыповай клінічнай карціне для COVID-19.

Каму будуць рабіць тэсты на COVID?

Тэсты на COVID па новым загадзе будуць рабіць кантактам першага ўзроўню — на 3−5-е суткі з моманту кантакту і паўторна на 10−12-я суткі (калі гэта даследаванне ПЦР) або на 13-я (калі экспрэс-тэст). Таксама тэсты па дакуменце пачынаюць рабіць і кантактам другога ўзроўню, калі гэта дзеці ва ўзросце да 10 гадоў.

У новым загадзе захавалася правіла, што пры бессімптомнай або лёгкай формах хваробы бальнічны будуць закрываць на 21-ы дзень нават без адмоўнага тэсту. «На падставе адсутнасці небяспекі распаўсюджвання інфекцыі ў пацыентаў з бессімптомнай і лёгкай формамі плыні інфекцыі COVID-19 звыш 14−21 дня ад моманту кантакту, закрыццё лістка непрацаздольнасці на 21-ы дзень ад моманту кантакту (па выніках экспрэс-тэсту на 14-ы суткі ад моманту кантакту ІдМ<+>) з’яўляецца абгрунтаваным», сказана ў дакуменце.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025