Навіны

Каранавірус замінае выпуску біяметрычных пашпартоў для беларусаў. Якімі яны будуць

Візіт у Беларусь адмыслоўцаў, адказных за наладку праграмнага забеспячэння і абсталявання для выдачы біяметрычных пашпартоў і ID-картак, адкладзены на месяц з прычыны пандэміі каранавірусу, піша «Радыё С**бода» са спасылкай на БелаПАН.

Пра гэта расказаў начальнік дэпартамэнту грамадзянства і міграцыі Міністэрства ўнутраных справаў Аляксей Бягун. Паводле яго, агульныя тэрміны ўсё ж не мяняюцца: новыя дакументы беларусам спадзяюцца выдаваць ад 1 студзеня 2021 году.

Большасць працы, для якой былі патрэбны тыя адмыслоўцы, ужо пачалі выконваць дыстанцыйна, а «свет адкрываецца», адзначыў Бягун. Усё неабходнае абсталяванне ўжо атрымалі і зьбіраюць з дапамогай дыстанцыйных кансультацый, нешта наладжваюць самастойна, «без кітайскіх і латышскіх партнёраў».

У ID-карткі, якія заменяць пашпарты ўнутры краіны, будзе інтэграваны «электронны лічбавы подпіс» грамадзяніна", дадаў Бягун, а ў біяметрычным пашпарце для паездак за мяжу будзе 30 старонак для візаў.

Біяметрычныя пашпарты і ID-карткі раней планавалі выдаваць у Беларусі яшчэ ў 2019 годзе, але тэрміны некалькі разоў пераносілі.

Што зменіцца з новымі пашпартамі і як іх планавалі выдаваць

Раней паведамлялі, што ID-карта заменіць некаторыя функцыі сённяшняга пашпарта і будзе адзіным дакументам, які сведчыць пра асобу. Новы біяметрычны пашпарт будзе дакументам толькі для выезду за мяжу. Таксама новымі біяметрычнымі дакументамі будзе заменена ўся лінейка дакументаў, якія дзейнічаюць у Беларусі. Гэта службовы і дыпламатычны пашпарты, праязны дакумент уцекача і праязны дакумент асобы без грамадзянства. ID-карты будуць выдавацца, акрамя грамадзян Беларусі, замежнікам, якія пастаянна пражываюць у краіне, і асобам без грамадзянства.

Пашпарт і ID-карта будуць выдавацца ў абавязковым парадку з 14 гадоў. Але карта можа выдавацца і па жаданні законных прадстаўнікоў непаўналетняга дзіцяці з моманту яго нараджэння. Таксама ў ID-карце будзе прывязка да рэгістрацыі, у пашпарце ж яна будзе адсутнічаць. Гэта значыць, штампаў аб прапісцы ў пашпартах больш не будзе, у электронным выглядзе такія дадзеныя будуць утрымлівацца на карце. Ніякіх адзнак, акрамя віз, у новых пашпартах не прадугледжана.

Кошт ID-карты складзе адну базавую велічыню. Пашпарт будзе каштаваць тры базавыя. Працэдура атрымання біяметрычнага пашпарта будзе неабавязковай, грамадзяне змогуць выкарыстаць стары дакумент разам з ID-картай. У электронным чыпе новага пашпарта будуць прысутнічаць персанальныя дадзеныя грамадзяніна. У прыватнасці, фатаграфія, электронны подпіс і адбіткі пальцаў. Гэта робіцца для таго, каб палегчыць праходжанне адпаведных відаў кантролю на мяжы, спрасціць пэўныя механізмы атрымання віз і павялічыць ступень абароны пашпарта грамадзяніна Беларусі.

Падзяліцца
Меткі: грамадства

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025