Каля 200 гродзенцаў прыйшлі ўвечары 26 траўня на Савецкую плошчу, каб паставіць подпіс за вылучэнне Святланы Ціханоўскай у кандыдаты ў прэзідэнты Беларусі.
Чарга з жадаючых паставіць подпіс расцягнулася на 200 метраў, людзі стараліся трымаць сацыяльную дыстанцыю ў сувязі з распаўсюджваннем каранавіруснай інфекцыі.
«Мы хочам пераменаў, вось і прыйшлі падпісацца за вылучэнне Святланы Ціханоўскай, — кажа гродзенка Таццяна. — Вы паглядзіце, хто выходзіць сёння на вуліцу — звычайныя людзі, якія раней ніяк не былі звязаныя з палітыкай. Пераменаў хоча ўвесь беларускі народ».
Пасля гадзіны збору подпісаў пачаўся моцны дождж, але ён не напалохаў людзей у чарзе. Толькі пасля таго, як прадстаўнік ініцыятыўнай групы Ціханоўскай зразумеў, што ў дождж немагчыма збіраць подпісы, ён перанёс свой стол у сквер каля помніка Фары Вітаўта. Там і працягнуўся збор подпісаў.
Падпісацца за Ціханоўскую прыйшоў і гродзенскі блогер Вадзімаці.
«На дадзены момант ідзе няроўная барацьба — у Аляксандра Лукашэнкі вялікі апарат падтрымкі, а ў альтэрнатыўных кандыдатаў нашмат менш пляцовак. Яны рэдка ў СМІ мільгаюць. Я лічу, што мы павінны перадаваць інфармацыю адзін аднаму пра збор подпісаў. Гэта важна.
Сёння мы вырашаем будучыню сваёй краіны і ўсе цяпер залежыць толькі ад нас. Чым больш вылучаецца кандыдатаў на выбары, тым лепш», — сказаў Вадзімаці.
У пятніцу 29 траўня ў Гродна на пікет абяцае прыехаць і сам блогер Сяргей Ціханоўскі.
«Пришло время ЧЕ?» В Гродно Сергей Черечень рассказал, с чем идет на выборы
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…