Фота: patan.by
22 мая памёр Міхаіл Зубрыцкі, галоўны патолагаанатам Гродзенскай вобласці. Ён быў заражаны каранавірусам. Смерць Hrodna.life пацвердзілі некалькі крыніц, у тым ліку калегі медыка з Гродзенскага абласнога клінічнага патолагаанатамічнага бюро.
Паводле інфармацыі Hrodna.lifе, Міхаіл Зубрыцкі тыдзень знаходзіўся ў коме. 22 мая ён пачаў прыходзіць у сябе, але паляпшэнняў не наступіла. Яму было 50 гадоў.
Сярод патолагаанатамаў колькасць захворванняў падчас эпідэмій павялічваецца ў дзесяць разоў. Так было і пры птушыным грыпе, і пры атыповай пнеўманіі, кажуць судмедэксперты.
У 1994 годзе Міхаіл Зубрыцкі скончыў Гродзенскі дзяржаўны медыцынскі інстытут. Працаваў у Гродзенскім абласным клінічным патолагаанатамічным бюро — спачатку на пасадзе ўрача-патолагаанатама, з 1999 года — загадчыка аддзялення, з 2009 — начальніка бюро. Быў галоўным патолагаанатамам Гродзенскай вобласці.
Член Беларускага Навуковага Таварыства патолагаанатамаў. У 2007 годзе прысуджана вучоная ступень кандыдата медыцынскіх навук. У 2018 прысвоена вучонае званне дацэнта, паведамляецца на сайце Гродзенскага медыцынскага ўніверсітэта.
Аўтар 141 навуковых прац, у тым ліку 1 манаграфіі, 3 інструкцый па ўжыванні, 2 ЭУМК для студэнтаў, 1 патэнт на вынаходствы.
Асноўным кірункам дзейнасці Зубрыцкага было выяўленне марфалагічных змяненняў у арганізме чалавека пры розных вірусных інфекцыях.
Рэдакцыя Hrodna.life выказвае спачуванні блізкім.
На 24 красавіка ў Гродзенскай вобласці было 347 выпадкаў каранавіруса. Пасля гэтага Міністэрства аховы здароўя перастала публікаваць звесткі з разбіўкай па рэгіёнах. Па дадзеных на 5 траўня, з медыцынскіх устаноў вобласці выпісалі ўжо 142 чалавека, якія перахварэлі на каранавірус. Упершыню аб смерці пацыента з выяўленай каранавіруснай інфекцыяй у Гродне Hrodna.life стала вядома 13 траўня.
В Гродно от коронавируса умерла первая пациентка
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…