Еўрапарламент прапануе адмяніць роўмінг паміж ЕС і краінамі «Усходняга партнёрства». Што кажуць у Мінсувязі

Камісія па міжнародных справах Еўрапарламента рэкамендавала адмяніць роўмінг паміж краінамі Еўрасаюза і «Усходняга партнёрства», куды ўваходзіць і Беларусь.

Палажэнне, якое заклікае да адмены платы за карыстанне мабільнымі тэлефонамі ў роўмінгу ў краінах Усходняга партнёрства і паміж ЕС і гэтымі краінамі, уключана ў справаздачу пасяджэння камісіі з ініцыятывы польскіх дэпутатаў Еўрапарламента, піша gazetaprawna.pl.

Гэтую ініцыятыву пракаментавалі ў Міністэрстве сувязі і інфарматызацыі Беларусі.

— Пачалася падрыхтоўка праекта рэгіянальнага роўмінгавага пагаднення ў рамках «Усходняга партнёрства», які можа быць падпісаны ў снежні 2020 г. i ўступіць у сілу з 1 студзеня 2022 г. Праект гэтага пагаднення прадугледжвае паэтапнае зніжэнне тарыфаў на паслугі міжнароднага роўмінгу ў краінах «Усходняга партнёрства» на працягу пяці гадоў, — сказаў першы намеснік міністра сувязі і інфарматызацыі Беларусі Сяргей Несцяровіч, пішет minsknews.by.

Па словах Несцяровіча, адным з перспектыўных для Беларусі напрамкаў з’яўляецца праца па гарманізацыі тарыфаў на паслугі міжнароднага роўмінгу з краінамі-удзельніцамі «Усходняга партнёрства» і з ЕС, у якой прымае ўдзел Мінсувязі сумесна з іншымі зацікаўленымі ведамствамі.

Праца вядзецца паміж шасцю краінамі - удзельніцамі «Усходняга партнёрства»: Арменіяй, Азербайджанам, Беларуссю, Грузіяй, Малдовай і Украінай.

— Гэта праца праводзіцца ў адпаведнасці з узгодненай у рамках «Усходняга партнёрства» дарожнай картай па роўмінгу з улікам даследавання цэнаўтварэння паслугаў роўмінгу, — дапоўніў Сяргей Несцяровіч.

Чытайце таксама: «Станоўчы імпульс нашым адносінам». Як ЗША і Еўропа дапамогуць Беларусі супраць COVID-19?

У якасці магчымага наступнага этапу разглядаецца паэтапная гарманізацыя тарыфаў на паслугі міжнароднага роўмінгу паміж краінамі-удзельніцамі «Усходняга партнёрства» і ЕС. Аднак гэта пытанне патрабуе дадатковай паглыбленай прапрацоўкі.

Абмеркаванне рэкамендацый для чэрвеньскага саміту ЕС з кіраўнікамі краін і ўрадаў Арменіі, Азербайджана, Беларусі, Грузіі, Малдовы і Украіны прайшло 19 траўня.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025