Жыхары дома № 78 па вуліцы Горкага адстаялі зялёную зону ў сябе ў двары. Дрэвы спрабавалі спілаваць раніцай 21 траўня.
Супрацоўнікі «Зелянбуда» пачалі секчы дрэвы ў тым месцы, дзе пройдзе цеплатраса для шаснаццаціпавярховага дома, які збіраюцца пабудаваць побач. Усе дакументы на працы арганізацыя прадставіла, але жыхароў дома гэта не задаволіла.
«Яшчэ няма праекту новага дому, а яны ўжо хочуць весці цеплатрасу. Гэта наш раён і нашы дрэвы. Мы супраць вырубкі 40 дрэў у нашым двары», — распавяла адна з жанчын.
Прадухіліць высечку дапамог званок жыхароў старшыні гродзенскага гарвыканкама Мечыславу Гою. Яны ўжо двойчы былі ў яго на прыёме.
«Часова прыпынілі работы, але ці надоўга? Мы будзем і далей адстойваць зялёную зону. Мы гэтыя дрэвы саджалі і не дамо іх так проста спілаваць. Будзем пісаць лісты ва ўсе інстанцыі», — сказалі жыхары.
Канфлікт жыхароў дамоў па вуліцы Горкага і БЛК з гарадскімі ўладамі цягнецца ўжо некалькі месяцаў. Жыхары занепакоеныя будучай будоўляй дома ў іх двары. Ім ужо ўдалося паўплываць на змяншэнне колькасці паверхаў у запланаванай пабудове.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…
